Smiley face
Smiley face
Smiley face

کۆمەڵکوژکردنی عەفرین لە گەرمیان شەرمەزار کرا

2018-03-18 19:48:48



ڕۆژنیوز- بۆتان گەرمیانی

 

بە دەستپێشخەری تەڤگەری ئازادیی کۆمەڵگەی کوردستان، لە دژی کۆمەڵکوژییەکانی سوپای تورک و چەتەکانی لە عەفرین و بۆ پشتیوانیکردن لە بەرخۆدانی گەلی عەفرین، ڕێپێوانێکی جەماوەریی بەڕێوەچوو.

 

ئێوارەی ئەمڕۆ، لە شارۆچکەی کەلاری ناوەندی ئیدارەی گەرمیان، بە دەستپێشخەریی ئەنجومەنی هەرێمی گەرمیانی تەڤگەری ئازادیی کۆمەڵگەی کوردستان، لە دژی کۆمەڵکوژییەکانی سەر عەفرین، ڕێپێوانێک لە بەردەم پارکی لەیلا قاسم تا ناو بازاڕی شارۆچکەکە بەڕێوەچوو.

 

دوای گەیشتنی ڕێپێوانەکە بە ناوبازاڕ، بەشداربووان گردبوونەوە، لە گردبوونەوەکەدا هاوڕێ جەبار، هاوسەرۆکی ئەنجومەنی هەرێمی گەرمیانی تەڤگەری ئازادیی، وتارێکی پێشکەشکرد و وتی: لە گەرمیانەوە سڵاو دەنێرین بۆ بەرخۆدانی سەردەم لە عەفرین، ماوەی ٥٨ ڕۆژە دەوڵەتی تورکی فاشیست بە هاوکاری گروپە تیرۆرستەکانی و بەشێک لە وڵاتانی زلهێز، بە بێدەنگ بوونی ئەمریکا و ئەوروپا و کۆمەڵگای نێودەوڵەتیی، هێرشی سەر عەفرین دەکات و کۆمەڵکوژی پێکدەهێنێت، بۆیە ئێمە دەوڵەتی تورک و بێدەنگیی کۆمەڵگای نێودەڵەتیی ڕسوا و بە نەفرەت دەکەین.

 

 

وتیشی: ٢٤ی ئەم مانگە بەڕێدەکەوین بۆ ڕۆژئاوای کوردستان و عەفرین، بۆیە بانگەوازی لە تەواوی خەڵکی باشوری کوردستان دەکەین، بە تایبەتی خەڵکی گەرمیان، کە بە ئەرکی ئەخلاقیی و مرۆیی و نەتەوەیی خۆیان هەستن و بەشداری لەو چالاکییەدا بکەن.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin