Smiley face
Smiley face
Smiley face

سەدان کەس لە سلێمانی بۆ عەفرین ڕژانە سەر شەقام.. بەوێنە

2018-03-18 22:01:51



ڕۆژنیوزـ سلێمانی

 

بۆ شەرمەزارکردنی هێرش و کۆمەڵکوژییەکانی سەر عەفرین، سەدان کەس لە شاری سلێمانی ڕژانە سەر شەقام و پشتیوانیان بۆ عەفرین دووپاتکردەوە.

 

ئەمشەو، بەدەستپێشخەریی کۆمەڵەی گەنجانی وڵاتپارێزی کوردستان و ژنانی گەنجی تێکۆشەر، بۆ پشتگیری لە بەرخۆدانی عەفرین، ڕێپێوانێک لە شەقامی سالم (سەهۆڵەکە)ی شاری سلێمانییەوە تا بەردەم مزگەوتی گەورە لەناو بازاڕ بەڕێوەچوو.

 

 

بەردێژایی ڕێپێوانەکە، بە دەف لێدان و وتنەوەی دروشمەکانی "عەفرین شاری کوردانە و نایدەینە دەست بێگانە"، "شەهید نامرێ" و "بژی بەرخۆدان عەفرین" بەردەوامبوو، هەروەها ئاڵای یەپەگە و یەپەژە و وێنەی عەبدوڵا ئۆجالان و کۆمەڵکوژییەکانی گەلی عەفرین بەرزکرانەوە.

 

دوای گەیشتنی ڕێپێوانەکە بە ناوبازاڕ، خۆپیشاندەران گردبوونەوە، دوای ساتێک وەستان بەبێدەنگیی بۆ ڕێزگرتن لەخوێنی شەهیدان، مەلا نادر عەلی، ئەندامی ئەو شاندەی باشوری کوردستان، کە ئێوارەی ئەمڕۆ لە عەفرین گەڕانەوە، وتارێکی پێشکەشکرد و وتی: سڵاوی شاری سلێمانیمان گەیاند بە کوچە بەکوچەی عەفرین و سڵاوی ئەوانیش بۆ ئێوە هەبوو.

 

 

وتیشی: ئەوەی لە عەفرین دەگوزەرێت بە هەڵەبجەشەوە نەبووە، بۆیە پێویستە بە هەموومانەوە شەو و ڕۆژ لە سەر پێ بین بۆ عەفرین و پشوو لە نەتەوە یەکگرتووەکان و ڕێکخراوەکانی ماف مرۆڤ ببڕین، عەفرین ٥٨ڕۆژە بەرخۆدان دەکات و هیچ کات ناکەوێت.

 

مەلا نادر، ئەوەشی وت: لە عەفرین تێکۆشانێک هەیە کە تۆپ و تەیارەش ناتوانێت ئیرادەی ئەوان بڕوخێنێت، چەند چەتەش بچێتە عەفرین تەنها گۆڕی خۆیان دەبینن، بۆیە دەبێت کۆنسوڵخانەکانی تورک ڕسوا و سوک بکەین و دەریانبکەین لەم خاکە، دەبێت تا کارەساتێکی مرۆیی ڕووینەداوە هەموومان بەردەوام لە چالاکیدابین.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin