Smiley face
Smiley face
Smiley face

دۆخی هاوڵاتیانی عەفرین نالەبارە و داوای هاوکاری دەکەن

2018-03-20 08:48:09



ڕۆژنیوز - ناوەندی هەواڵەکان

 

هاوڵاتیانی عەفرین کە بە هۆی هێرشی حکومەتی تورک بۆ سەر ماڵ و خاکیان ئاوارەی شەهبا بوون، لە دۆخێکی سەختدان و داوای هاوکاری دەکەن.

 

بەهۆی هێرشی داگیرکارانەی حکومەتی تورک و چەتەکانی، هاوڵاتیانی کانتۆنی عەفرین ناچاربوون ماڵ و حاڵیان بە جێبێڵن و ئاوارەی شاری شێراوا و کانتۆنی شەهبا بن.

 

خانەوادەیەک بە ناوی مەولیدە ڕەشۆ، کە لە چوار ئەندام پێکهاتووە، پاش هێرشی سوپای تورک بۆ گوندەکەیان لە ڕاجۆ، ئاوارەبوون، ئێستا لە کانتۆنی شەهبان و بە سەختی ژیان بە سەر دەبەن.

 

مەولیدە ڕەشۆ لەو بارەیەوە بە ئاژانسی هەواڵی هاواری وتووە: گوندەکەمان بەجێهێشت، سەرەتا چووینە گوندی کێلا، پاشان بەرەو ناوەندی عەفرین چووین و ئێستاش خۆمان گەیندووەتە شەهبا، ژمارەی ئاوارەکان لێڕە زۆرن، لە بەرامبەردا دەرفەتی ژیان زۆر کەمە و بە هەموو ئاوارەکان ناگات.

 

مەولیدە لە کۆتایی قسەکانیدا وتی: داوا لە ڕێکخراوە نێودەوڵەتییەکان دەکەم، کە بەپەلە هاوکاری و یارمەتی بگەیەنێتە دەستمان، حکومەتی تورک لە عەفرین کۆمەڵکوژی پێک دێنێت و ناتوانین جارێ بگەڕێینەوە سەر ماڵ و حاڵی خۆمان.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin