Smiley face
Smiley face
Smiley face

هاتووچۆی تانكەر لە مەرزی باشماخەوە ڕادەگیرێت

2018-03-20 09:31:27



ڕۆژنیوز- هاوكار مستەفا

 

بە بۆنەی هاتنی جەژنی نەورۆز و بەمەبەستی كەمكردنەوەی قەرەباڵغیی لە مەرزەكەو ئاسانكاری زیاتر بۆ هاتووچۆی گەشتیاران، لە ئەمڕۆوە بۆ ماوەی پێنج ڕۆژ هاتووچۆی تانكەرەكانی گواستنەوەی سوتەمەنی لەڕۆژدا لە مەرزی باشماخ  ڕادەگیرێت.

 

لە ئەمڕۆوە هاتووچۆی تانكەرەكانی گواستنەوەی سوتەمەنی لە مەرزی نێودەوڵەتیی باشماخەوە تا بەروای ٢٥-٠٣-٢٠١٨ ڕادەگیرێت و تەنها بە شەودا ڕێگا بەهاتووچۆی تانكەر دەدرێت، ئەوەش بەهۆی هاتنی جەژنی نەورۆزەوە.

 

شاخەوان بەكر، بەڕێوەبەری گومری مەرزی نێودەوڵەتیی باشماخ بە ڕۆژنیوزی ڕاگەیاند: وەك ئاسانكارییەك بۆ هاتووچۆی گەشتیاران و دروستنەكردنی قەرەباڵغیی لە مەرزەكەدا، بە هەماهەنگی لەگەڵ لایەنی ئێرانیدا بڕیارمانداوە كە لە ئەمڕۆوە هاتووچۆی تانكەرەكانی گواستنەوەی سوتەمەنی بە ڕۆژدا ڕابگیرێت و لە كاتژمێر ٠٨:٠٠ی شەو دەست بە هاتووچۆ بكەنەوە تا كاتژمێر ٠٦:٠٠ی سەرلەبەیانی بردەوامبن.

 

 

ئاماژەی بەوەشكرد، ئەم بڕیارە بۆ ماوەی پێنج ڕۆژ كاری پێدەكرێت و لە ٢٦/٠٣ هاتووچۆی تانكەرەكانی گواستنەوەی سوتەمەنی ئاسایی دەبێتەوە.

 

بەڕێوەبەری گومرگی مەرزی نێودەوڵەتی باشماخ ئەوەشی خستەڕوو: بەهۆی ئەوەی لەساڵانی ڕابردوودا بڕی ٢٥ هەزار دینار لە هەر گەشتیارێكی ئێرانی وەردەگیرا كە دەهاتە ناوخاكی هەرێم، بەڵام ئێستا ئەو بڕە پارەیە وەرناگیرێت، ئەوەش كاریگەری زۆری هەبووە بۆ هاتنی ژمارەیەكی زۆری گەشتیار بۆ هەرێمی كوردستان.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin