Smiley face
Smiley face
Smiley face

داهاتی خوانێکی پێنج هەزار کەسیی پێشکەش بە عەفرین دەکرێت

2018-03-20 13:19:15



ڕۆژنیوز - سلێمانی

 

کەمپەینی ١٦⁄٣ بۆ پشتیوانی لە عەفرین خوانێکی پێنج ھەزار کەسییان بۆ ھاوڵاتیان ئامادەکردووە و داهاتەکەی پێشکەش بە عەفرین دەکەن.

 

ئێستا، کەمپەینی" ١٦⁄٣ بۆ پشتیوانی لە عەفرین" لە گردی مامەیارەی شاری سلێمانی، خوانێکی پێنج ھەزار کەسییان ئامادەکردووە تا ھاوڵاتیان بە کڕینی جۆرێک لە خواردنە ئامادەکراوەکان پارەیەکی ڕەمزیی بخەنە ئەو سندوقە ھاوکارییەی کە بۆ کۆکردنەوەی کۆمەک بۆ عەفرین دانراوە.

 

لەگەڵ پێشکەش کردنی خواردن، چەندین گوڵ و نەمام دانراوە کە ھاوڵاتیان دەتوانن بیکڕن و بەھەمان شێوە پارەکەی بچێتە ناو سندووقەکەوە.

 

خواردنەکان لەلایەن هاوڵاتیان و بەشێک لە ڕێستۆرانتەکانەوە ئامادەکراوە و چا و شیرینیشی لەگەڵدایە.

 

پاش تەواو بوونی چالاکیەکە بڕیارە داھاتەکەی پێشکەش بە مانگی سوری کوردیی بکرێت و بدرێت بەو ئاوارانەی عەفرین کە لە سلێمانیدا ھەن.

 

پێشکەشکردنی خواردن هەتا ئێوارەی ئەمڕۆ بەردەوامیی دەبێت.

 

جێگای باسە کەمپەینی ١٦/٣ ڕۆژی ١٧ی ئەم مانگە لەلایەن ٢٠ ڕێکخراوی مەدەنی و چالاکوانان و ئایینە جیاوازەکان و ڕۆژنامەنووسان و خاوەن پێداویستیە تایبەتییەکان بۆ پشتیوانی لە عەفرین دامەزرا.

 

 

 

ش.ف

 

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin