Smiley face
Smiley face
Smiley face

مامۆستایانی زانکۆ: بۆ ڕووبەڕووبونەوەى مەترسییەکان یەکێتى نەتەوەیی پێویستە

2018-03-22 11:53:32



ڕۆژنیوز ـ هاوڕێ کرێکار 


مامۆستایانى زانکۆی گەرمیان ڕایدەگەیەنن، پێویستە کورد لە هەر چوار پارچەى کوردستان، یەکێتییەکى نەتەوەیی پێکبهێنێت بۆ ڕووبەڕووبونەوەى نەیارانى گەلەکەمان.


گەلی کورد بەردەوامە لە داواکاریی بۆ بەستنی کۆنگرەی نەتەوەیی و لەو بارەیەوە چەند مامۆستایەکی زانکۆی گەرمیان بۆ ڕۆژنیوز دەدوێن.


یاسین عاشور، مامۆستا لە زانکۆی گەرمیان، دەڵێت: بۆ سەرکەوتن و ڕووبەڕووبونەوەى کورد دژ بە نەیارانى، پێویستە یەکێتیەکى نەتەوەیی پتەو پێکبهێنرێت لە باشور و پارچەکانى تری کوردستان.

 


یاسین عاشور، ئەوەش دەڵێت: هەروەها پێویستە کاربکرێت بۆ به‌ستنه‌وه‌ی ئابوورى و کلتوری به ‌شێوه‌یه‌کی پته‌و له‌نێوان هەر چوار پارچه‌ی کوردستان.


ملکۆ ئەحمەد، مامۆستای زانکۆ دەڵێت: گەلی کورد لە قۆناغە جیاجیاکانی خەباتی خۆیدا لەبەر نەبوونی یەکڕیزیی و ناتەبایی ناوخۆ نەیتوانیوە لەبەرامبەر دوژمنەکانیدا خۆی ڕاگرێ، لە ئێستاشدا لەبەر ئەو هۆکارە ئاسۆی کورد ناڕوونە.

 


باس لەوەش دەکات: بەم دوایانەش لەدوای نیمچە سەربەخۆیی باشووری کوردستان هەلی زێڕین بۆ پارچەکانی دیکە ڕێککەوت، کە بیر لە خۆبەڕێوەبەری و ئازادکردنی خاکە داگیرکراوەکان بکرێتەوە، بە نموونەش ڕۆژئاوا کە بۆ یەکەمجارە لە مێژووی کوردا ژنان ببنە پاڵەوانی جەنگە ئاگرینەکان، بەڵام بەهۆی پەرتەوازەیی کوردەوە نەتوانرا سودی لێ ببینرێت. 


ک.ک


 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin