Smiley face
Smiley face
Smiley face

کەمپەینێک بۆ بایکۆتکردنی گەشتیاریی تورکیا ڕاگەیەندرا

2018-04-02 12:33:58



ڕۆژنیوز - ناوەندی هەواڵەکان

 

لە سەر تۆڕە کۆمەڵایەتییەکان کەمپەینێک بۆ بایکۆتکردنیی گەشتیاریی تورکیا ڕاگەیەندرا، ئەوە لە کاتێکدایە کە حکومەتی تورک بۆ داهاتیی ساڵی ٢٠١٨ی حسابی سەرەکیی لە سەر کەرتی گەشتیاریی کردووەتەوە.

 

چالاکوانانانی دژ بە داگیرکارییەکانی حکومەتی تورک لە سەر تۆڕە کۆمەڵایەتییەکان لە سەرتاسەری جیهان، کەمپەینێکیان بەناوی #BoycottTurkey ڕاگەیاند، لەو کەمپەیەندا داوادەکرێت، گەشتەکان بۆ تورکیا ڕابگیرێت.

 

هاوڵاتیان لە پۆستەکانیدا جەختیان کردووتەوە، کە ئەو پارەیەی گەشتیاران لە تورکیا سەرفی دەکەن، لەلایەن حکومەتی تورکەوە بۆ شەڕ بەکاردەهێنرێت.

 

گەشتیاری یەکێکە لە گرنگترین سەرچاوە داهاتەکانی حکومەتی تورک، لە ساڵانی ڕابردوو بەهۆی کێشمەکێشی حکومەتی تورک لەگەڵ ڕوسیا، زیانی زۆر بە داهاتی گەشتیاری لە تورکیادا گەیشتبوو، بەڵام پاش ئەوەی ئەو دوو حکومەتە لەیەک نزیک بوونەوە، بازرگانییەکانی نێوانیان دەستیپێکردەوە و ڕێگاشیان بۆ داگیرکردنی عەفرین کردەوە.

 

حکومەتی تورک لە ساڵی ٢٠١٨دا چاوەڕوانی ملیۆنان گەشتیارە بۆ ئەوەی ئەو زیانانە قەرەبوو بکاتەوە، بەگوێرەی ڕاگەیەندراوێکی وەزارەتی کلتور و گەشتیاریی تورکیا، لە دوو مانگی ڕابردوودا سێ ملیۆن گەشتیار چوونەتە تورکیا، لە مانگەکانی ١ و ٢ی ئەمساڵ دا ئێرانییەکان زیاتر لە هەمووان بەمەبەستی گەشت چوونەتە تورکیا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin