Smiley face
Smiley face
Smiley face

بانگەوازیی لە ژنان دەکرێت ببنە وەڵامێکی توند بۆ داگیرکەران

2018-04-03 12:44:41



ڕۆژنیوز- ناوەندی هەواڵەکان

 

ڕژاک، لەدایکبوونی ئۆجالان بە لەدایکبوونی گیانێکی نوێی مرۆڤەیاتیی و ژنان ناودەبات و بانگەوازیی لە ژنان دەکات، کە ببنە وەڵامێکی توند بۆ هەموو داگیرکەران.

 

ڕێکخراوی ژنانی ئازادی کوردستان ڕاگەیەندراوێکی بەبۆنەی ٤ی نیسان، ساڵڕۆژی لەدایکبوونی عەبدوڵا ئۆجالان، ڕێبەری پارتی کرێکارانی کوردستان (پەکەکە) بڵاوکردەوە.

 

لە ڕاگەیەندراوەکەدا هاتووە:"لەدایکبوونی ڕێبەر عەبدوڵا ئۆجالان تەنیا بە جیۆگرافیا و بەهەشتێکی بچووک لە سەر گۆی زەوی گرێدراو نییە، بەڵکو به لە دایکبوونی گیانێکی نوێی به مرۆڤایەتیی و ژنانی کورد بەخشی و ژنی چەوساوه به لە دایکبوونی سەر لە نوێ ئیرادەیەکی پۆڵایینیان نیشاندا".

 

هەروەها، ئاماژە بە بە فکری عەبدوڵا ئژۆجالان کراوە و هاتووە: دەسەڵاتدارانی جیهان ڕق و کینی خۆیان جۆشدا و بۆ تەسلیم کردنی ئەم فکرە ئازادە شەڕی جیهانی سێییەمیان هەڵگیرساند، ئەم شەڕەش نمونەی ڕۆژئاوا و عەفرین-دا مۆری خۆی له مێژوودا و  مامەڵەی سەر مێزی شەترەنجی دەوڵەت و  پیاوانی دەسەڵاتدار بۆ بردنەوەی ئەم یارییه له ڕۆژئاوا و لەسەر گیان و لاشەی منداڵانی عەفرین بەڕێوهدەچێت.

 

ڕژاک، بانگەوازیی لە هەموو ژنان کردووە، کە خاوەندارێتی له ڕەنجی عەبدۆڵا ئۆجالان بکەن، که ١٩ ساڵه بەرخۆدانیی دەکات و بۆ ئازادیی گەلی کورد ئاماده نییه تەسلیم ببێت.

 

لە کۆتایی ڕاگەیەندراوەکەدا هاتووە:"با لە ڕۆژی ٤ی نیساندا بە چاندنی دار ببینە وەڵامێکی توند بۆ هەموو داگیرکەران، ئەوان چەندە بیانەوێت وڵاتمان داگیر بکەن  ئێمە هەوڵی ئاوەدانکردنەوەی دەدەین، بە بەرزکردنەوەی ئاستی تێکۆشانمان دیواری ئیمراڵی هەڵدەوەشێنین".

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin