Smiley face
Smiley face
Smiley face

مهاباد، ژنە چالاکوانێک بە ٦ مانگ زیندان سزا درا

2018-04-05 13:25:16



ڕۆژنیوز - ناوەندی هەواڵەکان

 

ژنێکی چالاکوان ڕوناک ئاقایی، لە شاری مهاباد-ی سەربە پارێزگای ورمێ دوای دەستگیرکردنی، سزای شەش مانگ زیندانی بەسەردا سەپێندرا و ڕەوانەی زیندانی شارەکە کرا.

 

بە پێی هەواڵێکی ئۆرگانی هەواڵی چالاکوانانی مافی مرۆڤ لە ئێران - هرانا، ڕووناک ئاقایی چالاکوان، دوێنێ لەلایەن هێزە ئەمنییەکانی ئێرانەوە بە تۆمەتی بەشداریکردن لە ناڕەزایەتییە بەردەوامەکانی ساڵی ڕابردووی ڕۆژهەڵاتی کوردستان، دەستگیرکرا و ڕەوانەی زیندانی شاری مهاباد کرا.

 

ئەو ژنە چالاکوانە، لەلایەن دادگاوە سزای شەش مانگ زیندانی بەسەردا سەپێندراوە و بۆ بەسەربردنی سزاکەی ڕەوانەی زیندان کراوە.

 

ڕووناک لە هەشتاکانی سەدەی ڕابردوو، بە تۆمەتی پەیوەندیکردن بە هێزە کوردییەکانی ناو ڕۆژهەڵاتی کوردستان، ماوی پێنج ساڵی لە زیندانی ئورمیەدا بە سەربردووە.

 

جێگەی ئاماژەیە ناوبراو، لە کاتی لێپرسینەوەی لە لایەن هێزەکانی ئێرانەوە ڕووبەڕووی ئەشکەنجەبووەتەوە و هێشتا ماوەی چارەسەریی تەواو نەکردووە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin