Smiley face
Smiley face
Smiley face

بەوێنە..لەدایکبوونی ئۆجالان و ڕاگەیاندنی پژاک لە یۆتۆبۆری پیرۆزکرا

2018-04-08 19:14:27



ڕۆژنیوز – یۆتۆبۆری

 

٦٩-یەمین ساڵیادی لەدایکبوونی عەبدوڵا ئۆجالان، ڕێبەری پەکەکە و ١٤-یەمین ساڵیادی ڕاگەیاندنی پارتی ژیانی ئازادی کوردستان-پژاک، لە شاری یۆتۆبۆری سوید بەرز ڕاگیرا.

 

دوێنێ، لە شاری یۆتۆبۆری-ی وڵاتی سوید، بەبۆنەی ٦٩-یەمین ساڵیادی لەدایکبوونی عەبدوڵا ئۆجالان، ڕێبەری پارتی کرێکارانی کوردستان-پەکەکە و ١٤-یەمین ساڵیادی ڕاگەیاندنی پارتی ژیانی ئازادی کوردستان-پژاک، مەراسیمێک بەڕێوەچوو.

 

نوێنەری بەشێک لە حزب و لایەنە سیاسییەکانی هەرچوار پارچەی کوردستان و وڵاتی سوید و ژمارەیەک لە ڕێکخراوە چەپ-ەکانی سوید لە مەراسیمەکەدا بەشداربوون.

 

 

لە مەراسیمەکەدا، سیامەند موعینی، ھاوسەرۆکی پارتی ژیانی ئازادی کوردستان-پژاک وتارێکی پێشکەشکرد، تیایدا وێڕای پیرۆزبایی دامەزراندنی پژاک و ساڵیادی لەدایکبوونی عەبدوڵا ئۆجالان، فکر و فەلسەفەی ئۆجالان-ی لە پرۆژەی نەتەوەی دیموکراتیک و کۆنفێدراڵیزمی دیموکراتیکدا، وەک تاکە ڕێگای چارەسەر و گونجاوترین پرۆسە بۆ قەیرانەکانی ڕۆژھەڵاتی ناوەڕاست بەگشتیی و ڕۆژهەڵاتی کوردستان بەتایبەت دەستنیشانکرد.

 

 

موعینی، تیشکی خستەسەر سەرھەڵدانەکانی ئەمدواییەی گەلان لە ڕۆژھەڵاتی کوردستان و ئێران و بە بناغەی قۆناغێکی نوێ لە ڕەوشی سیاسیی ئێران ناوزەندیکرد، ھەروەھا پشتیوانی گەلی ڕۆژھەڵاتی کوردستانی بۆ عەفرین لە نەورۆزی ئەمساڵدا، وەک ھێمایەکی ڕێکخستنی جەوھەریی دیموکراتیی کۆمەڵگا و هەست و تێگەیشتنی نەتەوەیی ئاماژەپێدا و بە خاوەن نرخ و بەھا ناویهێنا.

 

لە درێژەی مەراسیمەکەدا، هەریەکە لە هونەرمەندان تەھا ھەورامی، ناسر ڕەزازی، فەریبۆرز کەرەمی و ڕۆزا ڤیان و گروپی موزیکی لوڕستان و گروپی ھەڵپەڕکێی ژینۆ گۆرانی و بەرهەمەکانی خۆیان پێشکەشکرد.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin