Smiley face
Smiley face
Smiley face

لێگه‌ڕێن با ژنێك بدوێ

2018-04-09 08:37:28



ڕۆژنیوز - ماردین ئەحمەد

 

'لێگەڕێن با ژنێك بدوێ' یەکەمین کتێبی ژنه‌ شاعیرێکی كوردە، کە لە ڕێگەی ئەدەبەوە ئازارەکانی ژنان بە هەمووان دەگەیەنێت.

 

ڕه‌وه‌ند ساڵح، ژنه‌ شاعیرێكی شاری سلێمانیه ‌و خاوه‌نی یەک کتێبی شیعریه‌، ئه‌م به‌رهه‌مه‌شی ‌یه‌كه‌مین به‌رهه‌می چاپكراوی ئه‌وه‌، جگه‌ لە‌ شیعر نوسین پیشه‌ی مامۆستاییه‌ و هه‌ر له‌ قۆناغه‌كانی ناوه‌ندی ده‌ستی به‌كاری شیعرنوسین كردووه‌، كه‌ تائێستا خاوه‌نی چه‌ندین خه‌ڵاتی ڕێزلێنانه‌.

 

ڕه‌وه‌ند دەڵێت: لای من شیعر بۆ دەربڕینی ئەو ڕازە پەنگ خواردووانەیە، کەمرۆڤ ناتوانێت بە شێوازی گفتوگۆ دەریببڕێت، شیعر نوسینەوەی  واقیعە لە بەرگێکی هونەری و فەلسەفیدا بەیارمەتی فەنتازیا، بەڵام کۆپی کردنی واقیع نا.

 

ڕەوەند باس لەوە دەکات، کە هەمیشە ده‌یه‌وێت زمانی ژن بەنوسینەکانیەوە دیاربێت، بۆیە ئەو ناونیشانەشی بۆ کتێبەکەی هەڵبژاردوووە، دەشڵێت "دەمەوێت کتێبەکەم هەر لەبەرگەوە بۆنی ژن بدات".

 

شیعر لای ڕەوەند گەیاندنی پەیامێکە و وەک خۆشی دەڵێت: ئەو پەیامە پێویستە هەڵگری جوانی، مرۆڤایەتی، خوشەویستی و پێکەوەیی بێت، لای شاعیرانیش بەڕوونی دیارە ئەوانەی دەیانەوێت بە وشە و شیعر دژی نادادپەروەری بوەستنەوە، هەمیشە شیعر پێشەنگ بووە لەهەموو شۆڕشێکدا.

 

(لێگه‌ڕێن با ژنێك بدوێ) یەکەمین بەرهەمی چاپکراوی ڕەوەندە، کە پێکهاتووە لەچەندین شیعر و قەسیدەیەکی هه‌مه‌جۆر، واتا لەهەموو بابەتێک شیعری تێدایه هه‌ر له‌ (ئەوینداری ‌و نیشتمانی و کۆمەڵایەتی-یەوە، ڕەوەند زیاتر له‌شیعره‌كانیدا تیشک دەخاتە سەر ئازار و مەینەتییەکانی ژنان، وەک دەڵێت: گەر باسی ژن بکەین لەم بوارەدا ژنانی ئێمە بە حوکمی  دابونەریت و کلتوری کۆمەڵگە هەمیشە پیاوانیان کردووەتە باکگراوندی ژیانیان و ئه‌وان به ‌به‌رپرسیاری ژیانی خۆیان ده‌زانن.

 

ڕەوەند خۆشحاڵ بوو بەوەی كه‌ كتێبه‌كه‌ی كه‌وتووەتە به‌رچاوی سه‌دان كه‌س و پێشوازیی لێکراوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin