Smiley face
Smiley face
Smiley face

ئێوارەیەکی گەرمیانییەکان پڕ دەبێت لە چیرۆک و ڕۆمان

2018-04-09 18:44:41



ڕۆژنیوز ـ بۆتان گەرمیانی

 

لە کۆڕێکی ئەدەبیی-دا لە شارۆچکەی کەلار باس لە مێژووی چیرۆک و ڕۆمان کرا.

 

ئێوارەی ئەمڕۆ لە هۆڵی یانەی ڕۆشنبیریی کەلار، لە شارۆچکەی کەلار-ی ناوەندی ئیدارەی گەرمیان، بە ئامادەبوونی گروپی خوێنەرانی کەلار و کۆمەڵێک شاعیر و نووسەری شارۆچکەکە، کۆڕێکی ئەدەبیی بۆ شاعیر و ڕۆماننوس گەشبیر ئەحمەد ڕێکخرا.

 

 

لە کۆڕەکەدا گەشبیر ئەحمەد، باسی مێژووی چیرۆک و ڕۆمانی کرد و وتی:"سەرەتای دروستبوونی چیرۆک دەگەڕێتەوە بۆ مرۆڤی سەرەتایی، کاتێک مرۆڤەکان لە ئەشکەوتەکان ژیاون کەسێک یان ناردووە بۆ ڕاوکردن کاتێک هیچ نێچیرێکی دەستنەکەوتووە ناچاربووە لە گەڕانەوەیدا چیرۆکێک بۆخۆی دروستبکات بۆ ئەوەی قەناعەتیان پێبکات و نەی کوژن، بەم ڕەنگە چیرۆک تەشەنەی سەندووە".

 

 

سەبارەت بە ڕۆمان-یش، گەشبیر، وتی:"دێڤۆ و فێڵدینگ و ڕیچارسۆن سێکۆچکەی دەستپێکی ڕۆمانن لە ئەوروپادا و لە ئەدەبیاتی ئینگلیزییدا، لەو کاتەشدا هەرکەسێک پرسیاری لەم سێ نوسەرە کردووە کە خەریکی چین وتوویانە کە خەریکی نووسینەوەی حیکایەت یان ڕاستییەکانی ناو کۆمەڵگان".

 

ئەو ڕۆماننوسە، لە پێناسەی ڕۆمان-دا وتی:"گێڕانەوەی ڕاستییەکانی کۆمەڵگا و ئەزموونی ژیانی نووسەرە، بۆیە دەبێت ڕۆماننووس دەست بۆ ئازار و حەقیقەتە باس نەکراوەکانی کۆمەڵگا ببات، بۆ نموونە تیرۆرکردنی ڕۆژنامەنوسان و دەستدرێژییەکانی پیاو و کۆمەڵگا بۆسەر ژن".

 

 

بەشێک لە  بەرهەمەکانی گەشبیر ئەحمەد

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin