Smiley face
Smiley face
Smiley face

منداڵانی هەڵەبجە بەهرەکانیان نمایش کرد

2018-04-12 13:37:56



ڕۆژنیوز – جیهاد هەورامی


منداڵانی باخچەی هەنار لە یەکەمین فیستیڤاڵی هونەری باخچەکەیاندا بەهرە و دەستڕەنگینی خۆیان نمایش کرد.


پێشنیوەڕۆی ئەمڕۆ لە هۆڵی بۆنەکانی شاری هەڵەبجە بەئامادەبونی بەڕێوەبەری پەروەردە و کەسوکاری منداڵان، باخچەی هەنار، یەکەمین فیستیڤاڵی هونەری کردەوە.


لە فیستیڤاڵەکەدا هونەر و دەستڕەنگینی منداڵانی باخچەکە نمایش کران، کە بریتی بوون لە پێشانگای وێنەیی و کاری دەستی و نمایشی جلوبەرگ و پێشکەشکردنی چەندین گۆرانی بە زمانی کوردی و ئینگلیزی.


بەشێکی گرنگی فیستیڤاڵەکە بریتی بوو لە نمایشی جلوبەرگ، کە تیایدا منداڵان بە جلی ڕەنگاوڕەنگی کوردی نمایشی خۆیان دەکرد، ئەمەش زیاتر بۆ ئاشنابوونی منداڵانە بۆ کلتوری جوانی کوردەواریی و پۆشینی جلوبەرگی نەتەوەیی.


ئامانج لە کردنەوەی فیستیڤاڵەکە بۆ دەرخستنی توانا و بەهرەی منداڵانی باخچەکە بوو کە لەماوەی یەک ساڵی خوێندنیان پێیگەیشتوون بەتایبەت بۆ فێربونی زمانی ئینگلیزی، کە تاکە باخچەیە لە سنوری پارێزگای هەڵەبجە بە زمانی ئینگلیزی بێت.


باخچەی هەنار بە زمانی ئینگلیزی ناحکومیە و لە سەرەتای ٢٠١٨ دامەزراوە و لە هەنگاوی یەکەمیدا ٦٥ منداڵ تیایدا وەرگیراون.

 


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin