Smiley face
Smiley face
Smiley face

لە فیستیڤاڵی جافدا یادی ئەنفال کرایەوە

2018-04-14 14:05:32



ڕۆژنیوز – ناسیار مستەفا

 

هۆزی ڕەش و بۆری جاف لە فیستیڤاڵی ساڵانەیدا یادی ئەنفاکراوان دەکاتەوە و داوای یەکگرتنی کورد دەکات بۆ ڕووبەڕووبونەوەی داگیرکەران.

 

ئەمڕۆ، لە شارۆچکەی قەرەداغی سەر بە پارێزگای سلێمانی هۆزی ڕەش و بۆری جاف فیستیڤاڵی ساڵانەی خۆیان ئەنجامدا و یادی قوربانیانی ئەنفال-یشان کردەوە.

 

لە فیستیڤاڵەکەدا ڕەئووف کەمال، قائیمقامی قەرەداغ لە وتارێکدا وتی: ئەم کۆبوونەوە و فیستیڤاڵانە دەبێت ببێت بە هەوڵێک بۆ زیاتر یەکتر ناسین و تێکەڵاو بوون لەگەڵ هۆزەکانی تر و ببینە بەربەست لە بەرامبەر هەموو داگیرکاریەکانی سەر خاکی کوردستان لەدێر زەمانەوە ڕووبەڕووی داگیرکردن دەبێتەوە.

 

 

هەر لە فستیڤاڵەکەدا، لالە جاف، لەسەر ناوی عەشیرەتی ڕەش و بۆریی لە وتی: عەشیرەتەکەمان کە زۆرترین قوربانیی داوە لە تاوانی ئەنفالدا، ئێمە بڕیاری دروستکردنی هێزێکی چەکداری خۆبەخشمان داوە، کە ڕووبەڕووی هەموو داگیرکارییەکی سەر خاکی کوردستان دەبێتەوە و سەر بە هیچ لایەنێک نییە، پێشتریش هێزێکی وەهامان دروست کرد لەشەڕی داعش بەشداریمان پێکرد.

 

 

دواتر، د.شوان عەبدوڵا، ئەندامی تەڤگەری ئازادیی کۆمەڵگەی کوردستان، وتارێکی پێشکەش کرد و وتی: ئەم فیستیڤاڵ و کۆبوونەوانە زۆرگرنگە بەردەوام بێت، چونکە دەبێتە هۆی یەکێتیەکی بەهێز بۆ نەتەوەکەمان.

 

 

شوان عەبدوڵا، وتیشی: ئەو ئەنفالەی کە لە ڕابردوودا هەبووە لە ئیستاشدا بەردەوامە کە لە عەفرین و کەرکوک و باکوری کوردستان هەر ماوە.

 

هەروەها، وتی: ئەم دەسەڵاتەی ئیستا هیچ کارێکی بۆ کەسوکاری ئەنفالکراوان نەکردووە و لەسەر ئاستی نیودەوڵەتیش زۆر بی بایخ بوو و هەر بە دوای دەسەڵات و پارەوە بوون و پێویستە ئەنفال وەکو تاوانی هۆڵۆکۆست لەسەر ئاستی جیهان بناسرێت.

 

 

 

ش.ف

 

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin