Smiley face
Smiley face
Smiley face

دووکاندارانی بانە و جوانڕۆ دووکانیان داخست و سفرەی بەتاڵیان ڕاخست

2018-04-15 12:06:18



ڕۆژنیوز - ناوەندی هەواڵەکان

 

دووکاندارەکانی شاری بانەی سەر بە پارێزگای سنە و جوانڕۆی سەر بە پارێزگای کرماشانی رۆژهەڵاتی کوردستان، دووکانەکانیان داخست و سفرەی بەتاڵیان ڕاخست، ئەوەش بۆ دەربڕینی ناڕەزایی بەرامبەر بە بڕیارەکانی حکومەتی ئێران.

 

پاش داخستنی دەروازە سنوورییەکان بۆ هاتووچۆی کاسبکاران و گواستنەوەی کاڵا، هەروەها بەرزبوونەوەی باجی گومرگ لەلایەن حکومەتی ئێرانەوە، ئەمڕۆ دووکاندارانی بانە و جوانڕۆ مانیان گرت و دووکان و بازارییان داخست.

 

لە چالاکییەکی سیمبۆلیکدا، دووکاندارانی خەڵکی شاری بانە سفرەیەکی بەتاڵیان ڕاخست و بەو شێوەیە دەرئەنجامی بڕیارەکانی حکومەتی ئێرانیان پیشان دا.

 

دووکاندارانی شارە سنوورییەکانی  ڕۆژهەڵاتی کوردستان، دەڵێن، کە حکومەتی ئێران بەو بڕیارانەی بژێوی هاوڵاتیانی کورد دەبڕێت و لە دژی ئەوەش مانیان گرتووە لە کارکردن.

 

پێدەچێت لە ڕۆژانی داهاتوودا شەپۆلی ئەو مانگرتنە شارەکانی بانە و جوانڕۆ تێپەڕبکات و بگاتە شارە سنوورییەکانی دیکەی ڕۆژهەڵاتی کوردستانیش.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin