Smiley face
Smiley face
Smiley face

خەڵکی بانە پاش مانگرتن ڕژانە سەر شەقامەکان

2018-04-15 15:43:21



ڕۆژنیوز - ناوەندی هەواڵەکان

 

پاش ئەوەی دووکانداران و کاسبکارانی شاری بانەی سەربە پارێزگای سنەی ڕۆژهەڵاتی کوردستان بازاڕیان داخست و لە بەردەم قائیمقامییەتی ئەو شارە گردبوونەوە، ڕژانە سەر شەقامەکان و خۆپیشاندانیان کرد.

 

سەرلەبەیانیی ئەمڕۆ دووکاندارەکانی شارەکانی بانە و جوانڕۆ دووکان و بازاڕیان داخست و پاشان سفرەی بەتاڵیان ڕاخست بۆ دەربڕینی ناڕەزایی لە بەرامبەر بڕیاری حکومەت بۆ داخستنی دەروازە سنوورییەکان بەسەر کاسبکارەکاندا و بەرزبوونەوە باج و گمرک.

 

پاش مانگرتنەکە، هاوڵاتیانی شاری بانە ڕژانە سەر شەقامەکان و خۆپیشاندانێکی جەماوەرییان ڕێکخست.

 

مانگرتن و خۆپیشاندانی شارەکانی ڕۆژهەڵاتی کوردستان لە کاتێکدایە، کە ماوەی چەند ڕۆژێکە کە جوتیارانی شاری ئیسفەهان خۆپیشاندان ئەنجام دەدەن لە دژی سیاسەتە ئابورییەکانی حکومەتی ئێران.

 

بە چڕتربوونەوەی ناڕەزاییەکانی خەڵکی شاری بانە، پێدەچێت، لە ڕۆژانی داهاتوودا مانگرتن و خۆپیشاندان بگاتە شارەکانی دیکەی ڕۆژهەڵاتی کوردستان، ئەوە بەتایبەتی لە شارە سنوورییەکاندا ئەگەری زیاترە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin