Smiley face
Smiley face
Smiley face

ماڵپەڕی ژنۆلۆژی دیارییەکە بۆ ژنان

2018-04-16 10:02:03



ڕۆژنیوز - سەمیرا شەهابی

 

ماڵپەڕی ژنۆلۆژیی تایبەت بە ژنان و بە زمانی فارسی دەستی بە بڵاوکردنەوەی بابەتەکانی کردووە، وەک دیارییەک پێشکەش بە ژنانی ناو گەل و نەتەوە جیاوازەکانی ئێران کراوە.

 

ماوەی کەمتر لە مانگێک دەبێت کە ماڵپەڕی ژنۆلۆژی بە زمانی فارسی لە لایەن گروپێک ژن-ەوە، لە ژێر دروشمی "ئەو زانستەی کە بە دەوری ژندا گەشە دەکات، دەبێتە هەنگاوی یەکەم بەرەو سۆسیۆلۆژیایەکی ڕاستەقینە" کراوەتەوە.

 

ژنۆلۆژی یان زانستی ژن، زانستێکە بە ئامانجی ڕەخنە گرتن لە عەقڵییەتی پیاوانە فۆڕمی گرتووە،  تا بە ڕوانگەی ژنەوە شرۆڤە پێش بخات و ئەم فکرە گەردوونی بکات و تەنیا لە چوارچێوەی ئاستی فکری ژنی کورددا نەمێنێت.

 

ئەم ماڵپەڕە بە زمانی فارسی کە تایبەت بە ئێران-ە و زمانی هاوبەشی گەلانییەتی، دیارییەکیشە بۆ هەموو ژنان و نەتەوە جیاوازەکانی ناو ئێران. هۆکاری هەڵبژاردنی زمانی فەرمی ماڵپەڕەکە سوود گەیاندنە بە هەموو نەتەوەکانی ئێران، هەروەها بە شێوەی هەفتانە بابەتەکانی بڵاو دەکرێتەوە.

 

ژنۆلۆژی زانستی ژن و کۆمەڵگایە، دەیەوێت ئەو پچڕانەی کە لەنێوان ژن و کۆمەڵگادا دروست بووە، گرێی بداتەوە و ژن و کۆمەڵگا بگەیێنێتەوە ئەو پەیوەندییە ڕاستەقینەیەی کە دەبێت لەنێوانیاندا هەبێت، تا هەموو زانستەکان سەرلەنوێ بە ڕوانگەی ژنەوە چاو لێ بکرێن کە ئەوەش مژارێکی زۆر قووڵ و بەرفراوانە.

 

ئەو بابەتانەی کە ئەم ماڵپەڕە تێیدا قووڵ دەبێتەوە میتۆلۆژی یان ئەفسانە، زانست، دین و فەلسەفەیە و ئەو بەشانەی کە سیاسەت، ئێکۆلۆژی، دێمۆگرافیا، ئەتیک- ئەستەتیک،  ئابووریی، پەروەردە،  تەندروستی و مێژووە و هەوڵ دەدات  بە یارمەتی هەموو ژنان، سەرلەنوێ ئەم دەستەواژانە بە ڕوانگەی ژنەوە پێناسە بکات.

 

لینکی ماڵپەڕکە

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin