Smiley face
Smiley face
Smiley face

تەڤگەری ئازادیی: بێدەنگیی لەبەرامبەر کۆمەڵکوژییەکەی شیلادزێ شەرمەزارییە

2018-04-16 14:30:27



ڕۆژنیوز – ناوندی هەواڵەکان

 

تەڤگەری ئازادیی، کۆمەڵکوژیی سێ براکەی شیلادزێ شەرمەزار دەکات و دەڵێت: چیتر هێرش و پەلاماری دەوڵەتی تورک بۆسەر گەلەکەمان مایەی قبوڵکردن نییە و بێ دەنگی و بێ هەڵوێستی مایەی شەرمەزارییە.

 

دەستەی بەڕێوبەرایەتیی تەڤگەری ئازادیی کۆمەڵگەی کوردستان پەیامێکی سەبارەت بە کۆمەڵکوژیی سێ براکەی شیلادزێ (ڕەمەزان، مەجید و تاهیر محەمەد) بەدەستی دەوڵەتی تورک بڵاوکردەوە.

 

لە پەیامەکەدا هاتووە:"ئێمه‌ وه‌ک ته‌ڤگه‌ری ئازادیی بەتوندی هێرشی فاشیزمی ئاکەپە و مەهەپە شەرمەزاردەکەین، هەروەها بێ هه‌ڵوێستی حکومه‌تی هه‌رێم و داموده‌زگا په‌یوه‌ندیدارەکان بە هاوکار دەبینین بۆ ئەو هێرشانەی دەکرێتە سەر گەلەکەمان".

 

هەروەها، هاتووە:" حکومه‌تی هه‌رێم و داموده‌زگا په‌یوه‌ندیدارەکان تا ئێستا نه‌یانتوانیوه‌ به‌رامبه‌ر به‌م هێرش و پالامارانه که‌ رۆژانه‌ به‌ڕشتنی خوێنی ڕۆڵه‌کانی گه‌له‌که‌مان له‌ لایه‌ن ده‌وڵه‌تی تورکیای فاشسته‌وه‌ کاردانه‌وه‌یه‌کی بەرپرسیارانەی نه‌ته‌وه‌یی و دیموکراتییانە نیشان بدەن‌ و سنوورێک بۆ ئه‌م هێرشە دڕندایه‌تیه‌ دانێن".

 

تەڤگەری ئازادیی دەپرسێت، هۆکاری ئه‌و بێده‌نگی و ته‌سلیم کارییه‌ چییه و بۆچی لە وابه‌سته‌بوون و خۆ به‌ ده‌سته‌وه‌دان بەردەوامن؟ دەشڵێت:"با رای گشتی و ویژدانه‌ هۆشیار و ئازاده‌کان بڕیار ده‌ربن، چیتر هێرش و پەلاماری دەوڵەتی تورک بۆسەر گەلەکەمان مایەی قبوڵکردن نییە و بێ دەنگی و بێ هەڵوێستی مایەی شەرمەزارییە".

 

له‌ کۆتایدا  ته‌ڤگه‌ری ئازادیی کۆمه‌ڵگه‌ی کوردستان سه‌ره‌خۆشیی  ئاڕاسته‌ی سه‌رجه‌م گه‌لی به‌رخودێری کورد و گه‌له‌گه‌مان له‌ ده‌ڤه‌ری بادینان به‌ گشتی وبه‌تایبه‌ت خانه‌واده‌ی هه‌ر سێ برای شه‌هید دەکات و بانگەوازیی دەکات، کە "گەلەکەمان خاوەن هەڵوێستی ڕادیکاڵ بێت بۆ کۆتایی هێنان بە هێرشەکان و ئەو بێدەنگیە بەچالاکی و هەڵوێستی شۆڕشگێرانە بشکێندرێت".

 

په‌یمان-یش دەدەن، کە به‌ تێکۆشانیان نه‌هێڵن خوێنی پیرۆزیان به‌فیڕۆ بچێت.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin