Smiley face
Smiley face
Smiley face

لە باشور چالاکی بۆ عەفرین دەستپێدەکات

2018-04-16 17:51:07



ڕۆژنیوز - سلێمانی

 

نوێنەرایەتی کۆنگرە ستار لە باشوری کوردستان ڕایگەیاند،.کە ڕەوشی ژنانی عەفرین نالەبارە و چەندین ژن بە زۆر لە چەتەکان مارە کراون، ڕاشیانگەیاند، کە بۆ پشتیوانی ژنانی عەفرین دەست بە چالاکی دەکەن.

 

کاتژمێر ٤:٣٠ خولەکی پاشنیوەڕۆی ئەمڕۆ، نوێنەرایەتی کۆنگرە ستار لە باشوری کوردستان، لەبارەگای خۆیان لە شاری سلێمانی، لەبارەی ڕەوشی ژنانی عەفرینەوە کۆنگرەیەکی ڕۆژنامەنووسیان ئەنجامدا.

 

لە کۆنگرە ڕۆژنامەنووسیەکەدا، جیھان خەلیل، نوێنەری کۆنگرە ستار لە باشوری کوردستان قسەیکرد و ئاماژەی بە ڕەوشی نالەباری ژنانی عەفرین کرد لەدوای داگیرکردنی لەلایەن سوپای تورک و چەتەکانی سەر بە تورکیاوە.

 

جیھان خەلیل  ڕایگەیاند، کە لە دوای داگیرکردنی عەفرین نیوەی ھاوڵاتیانی عەفرین لە شارەکەدا ماونەتەوە و نیوەشیان ئاوارەی دەرەوەی عەفرین بوون و لە شەھبا نیشتەجێ بوون، ئەو ژنانەی لەناو عەفرنیدا ماونەتەوە ئازار دەدرێن و ھەندێکیان بە زۆر لە چەتەکان مارە دەکرێن.

 

 

ناوبراو ئاماژەی بەوەشکرد، کە کە ئەو ژنانەی ئاوارە بوون لە بەرخۆدان بەردەوام بوون و دەڵێن، کە دەتوانین بەبێ خواردن بژین، بەڵام بەبێ خاک ناژین، بۆیە ھەوڵی ئەوەدەدەن عەفرین ئازاد بکەن.

 

جیھان خەلیل، ئاماژەی بەوەکرد، کە بۆ پشتگیری ژنانی عەفرین، لە باشووری کوردستان دەست بە چالاکی دەکەن و سەرەتای چالاکیەکەشیان بە کۆکردنەوەی بەڵگەنامەکانی تاوانی دژ بە ژنانی عەفرین دەستپێدەکەن و ڕادەستی نەتەوە یەکگرتووەکانی دەکەن، دواتریش چالاکی جۆراوجۆری دیکە ئەنجام دەدەن.

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin