Smiley face
Smiley face
Smiley face

"هەڵەکانی باوکم" نمایشکرا

2018-04-16 19:06:13



ڕۆژنیوز - هاوكار مستەفا

 

بە درووشمی "ئەنفال برینێكی ساڕێژ نەبوو" بە بۆنەی تێپەڕبوونی ٣٠ ساڵ بەسەر تاوانی ئەنفال و بەمەبەستی ناساندنی ئەو تاوانە بە نەوەی نوێ‌، لە شارەدێی خورماڵ-ی سەر بەپارێزگای هەڵەبجە یادی ئەو تاوانە کرایەوەو شانۆیی هەڵەكانی باوكم نمایشكرا.

 

سەر لە ئێوارەی ئەمڕۆ لە هۆڵی گوڵ عەنبەر، بەسەر پەرشتی تیپی شانۆیی خورماڵ، بە ئامادە بوونی ژمارەیەك لە بەرپرسانی حكومی و حزبی و چین و توێژە جیاوازەكانی سنورەكە یادی تاوانی ئەنفال بەرز ڕاگیرا.

 

شانۆگەرییەكەی تیپی شانۆیی خورماڵ كە بە شێوەی زمانی ئاماژە نمایشكرا، باسی گەورەیی تاوانی ئەنفال دەكرد كە دەرحەق بە گەلی كورد و خەڵكی گەرمیان ئەنجامدرا، بە جۆرێك باوكێك ڕۆڵی سەرەكی لە شانۆییەكەدا دەگێڕا كە لەگەڵ تێپەڕبوونی كاتدا ئەو تاوانانەی دەگێڕایەوە كە دەرحەق بە گەلی كورد ئەنجام دراون، بەڵام پەندیان لێوە نەگیراوە.

 

هەر لەو شانۆگەرییەدا ئەوەش خرابوویەڕوو، كە زۆركات تاكەكانی كورد واڕاهاتوون هەر كەسێك بەرپرسیارییەتی وەرگرت و كورسی دەستەڵاتی وەرگرت دەبێت چاوپۆشی لە هەڵەكانی بكرێت و بەردەوام بە هەموو كارە خراپەكانیشی بوترێت كارێكی باشە، هەر ئەوەش وایكردووە كە دۆخی گەلی كورد بگاتە ئەم ئاستە.

 

لە كۆتایی شانۆیی هەڵەكانی باوكم، ئەوە نمایشكرا، كە ئەو باوكەی ڕۆڵی سەرەكی دەبینی و شاهید حاڵی ڕووداوەكانی تاوان و ئەنفال بووە، بەڵام لە كۆتایدا منداڵێكی ئەم پیاوە دێتە لای باوكی و بە دەنگی بەرز پێی دەڵێت باوكە تۆ هەڵە بوویت، چونكە لە هەموو سەردەمەكاندا بەڵێت بۆ بەرپرسان كرد، بۆیە دەبێت لەمەودوا بیر لە گۆڕینی بەرپرسانی تاوانبار بكەینەوە بۆ ئەوەی تاوانی وەك ئەنفال-مان ڕووبەڕوو نەبێتەوە.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin