Smiley face
Smiley face
Smiley face

نایەکسانیی ژن و پیاو لە هەڵبژاردنەکاندا خرایەڕوو

2018-04-17 13:43:14



ڕۆژنیوز- سەمیرا شەهابی

 

لە پانێڵکدا ئاماژە بە نایەکسانییەکانی نێوان کاندیدی ژن و کاندیدی پیاو کرا و ڕاگەیەندرا، کە تەنیا لە دوو ڕۆژی دەستپێکی بانگەشەدا نۆ خروقات تۆمارکراوە، کە تیایدا سوکایەتی بەژن کراوە، بە پێویستیشزاندرا، ژنان بە ئیرادەی مەزنەوە بەشداربن و بەسەر گرفتەکاندا زاڵ بن.

 

ئەمڕۆ، لە کافتریای ئەمنەسورەکە لە شاری سلێمانی، پانێڵێک لەژێر ناونیشانی" پاراستنی مافی ژنان لە هەڵمەتی بانگەشەی هەڵبژاردندا"، لەلایەن ڕێکخراوی کۆڕبەندی ژنان دەتوانن- کوردستان و بە هاوکاری ڕێکخراوی خەڵک بۆ  هەریەک لە هانا شوان چالاکوانی ژنان، هەڵشۆ عەبدولفەتاح چالاکوانی مافی مرۆڤ و ئاسۆس براخاس مامۆستای زانکۆ، بەڕێوەچوو و ژامرەیەک لە ژنانی چلاکوان و مامسۆتایانی زانکۆ و پەرلەمانتاران ئامادەیبوون.

 

لە پانێڵەکەدا، هانا شوان، ئاماژەی بە توندوتیژیی سیاسیی دژ بە ژنان کرد و وتی: توندوتیژی سیاسیی ئاڕاستە و ئامانجی بەرفراوان دەپێکێت، مێژووی سیاسی ژنان لە باشوردا فەرامۆشکراوە، بۆیە لە ڕابردووەوە تا بە ئێستا پەراوێزخستن و بچووکردنەوەی ژنان لە سیاسەتدا بەردەوامە، لە ناو حزبەکاندا ڕێگریی لە ژنان دەکرێت و پیاوان دەبێت دەنگیان سەروتر و پشکی شێریان بەر بکەوێت.

 

 

هانا شوان، باسی لە هەڵوێستی ڕاگەیاندنەکان کرد دژ بە ژنان و وتی: کایەی سیاسیی و میدییای ئێمە ئەمجارە ئالودە و ترسناکە، چونکە هەندێک کەس هەوڵی شکاندنیان دەدرێت.

 

ئەو چالاکوانە، وتیشی: ژنانی ئێمە دەترسێندرێن، کە ناتوانن ببنە جێی متمانە، هۆکارەکەشی شکاندن و گاڵتەپێکردنە کە بەرامبەر بە ژنان دەکرێت لە هەر کایەیەکدا بێت.

 

هانا شوان، ڕاشیگەیاند: لەماوەی ئەم دوو ڕۆژەی بانگەشە، نۆ خڕوقاتمان تۆمارکردووە، کە سوکایەتیان بە ژن کردووە و ئەمەش نیشانەی ڕەنگدانەوەی عەقڵیەتی حزبی ئێمەیە، کە لە ناو میدیاکاندا بەرجەستە بووە، هەموو ئەمانەش کاریگەری خراپی تاک و جەماوەریشی لێدەکەوێتەوە.

 

دواتر، هەڵشۆ عەبدولفاتح، ڕەخنەی لە کۆمسیۆنی باڵای سەربەخۆی هەڵبژاردنەکان کرد و وتی: کۆمیسیۆن۲۷ڕێنمایی دەرکردووە، لە هیچ یەک لەو ڕێنماییانەدا باس لە پاارستنی مافەکانی ژنان نەکراوە.

 

 

هەڵشۆ، ئاماژەی بە ڕۆڵی گرنگی ژنان کرد و وتی: چەندەها ژنی کارامە هەیە، کە دەتوانێت باشتر لە پیاوان ڕۆڵ ببینێت، بۆیە دەبێت کار لە سەر پاراستنی مافی ژنان لە هەڵبژاردندا بکرێت و بڕگەیەک دەربکرێت بۆ لێپرسینەوە لەو کەسانەی کە ناوی ژنان دەزڕێنن.

 

لە کۆتاییشدا، ئاسۆ براخاس، باسی لە هەوڵەکانی ژنان کرد بۆ تێپەڕاندنی بەربەستەکان و ڕووبەڕووبوونەوەی دژبەرەکان و وتی: پێویستە ژنان کاتێک دەبنە پاڵێوراو بە ئیرادە و باوەڕییەکی مەزنەوە هەنگاو بنێن بەسەر گرفتەکاندا زاڵ بن.

 

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin