Smiley face
Smiley face
Smiley face

چەتەکانی تورکیا لە عەفرین پێنج هەزار تۆن گەنمیان دزی

2018-04-17 15:00:17



ڕۆژنیوز – ناوەندی هەواڵەکان


هێرش و داگیرکاریی سوپای تورک و چەتەکانی بۆ سەر عەفرین ماوەی ٨٧ ڕۆژە بەردەوامیی هەیە، لە درێژەی پێشێلکارییەکاندا، چەتەکان پێنج هەزار گەنمیان لە خەڵک دزی.


پاش ئەوەی بەشێکی زۆری خەڵکی عەفرین ناچاربوون شارەکەیان بەجێبێڵن، چەتەکانی سەربە تورکیا کەوتنە تاڵانکردن و دزیکردن لە ماڵ و موڵکی هاوڵاتیان، ئەم جارە دەستیان داوەتە دزیکردن لە بەرهەمە کشتوکاڵییەکانی خەڵکی عەفرین.


چەتەکانی سوڵتان موراد لە گوندی قوتای سەربە شاری بلبلێی کانتۆنی عەفرین، جگە لە تاڵانکردن و دزیکردن لە هاوڵاتیان، بەدیلیان دەگرن و بێ سەروشوێنیان دەکەن، لەو گوندەدا ڕەشید سیدۆی تەمەن ٧٠ ساڵ، محەمەد سیدۆی ٢٩ ساڵ، هۆزان سیدۆی ١٦ ساڵ، عارف سیدۆی ٦٠ ساڵ و مەنان مستەفای ٥٥ ساڵ ڕفێندراون و بێ سەروشوێن کراون.


دوان لەو هاوڵاتیانە کە توانیویانە خۆیان ڕزگاربکەن، ڕایانگەیاندوە، کە چەتەکان هەڕەشەی سەربڕینیان لێکردوون و پێیان وتوون، لە ئەگەری بەرگری لە کاتی تاڵانکردنی ماڵ و موڵکیاندا دەکوژرێن.


لەلایەکی دیکەوە ڕاگەیەندراوە، کە چەتەکان دەستیان کردووە بە تاڵانکردنی کۆگا گەنمەکانی هاوڵاتیان و پێنج هەزار تۆن گەنمیان لە هاوڵاتیان دزیوە، هەروەها هاوڵاتییەک بە ناوی خەلیل جمێک لە جندرێسەوە ڕایگەیاندوە، کە چەتەکانی سوڵتان موراد هەڵیان کوتاوەتە سەر ماڵەکەی و پێنج هەزار دۆلاریان لێ دزیوە و هەڕەشەی کوشتنیشیان لێکردووە.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin