Smiley face
Smiley face
Smiley face

بانگەشەی هەڵبژاردنی ئاکەپە لە ئەڵمانیاش قەدەغەکرا

2018-04-21 08:19:46



ڕۆژنیوز - ناوەندی هەواڵەکان

 

حکومەتی ئەڵمانیا ڕایگەیاند، کە وەکچۆن ئەنجامدانی میتینگی ئاکەپە لە کاتی ڕیفراندۆمدا ڕێگای پێنەدرا، بۆ هەڵبژاردنی ٢٤ی حوزەیرانیش بانگەشەی هەڵبژاردنی ئاکەپە لە وڵاتەدا قەدەغەیە.

 

پاش ئەوەی میتینگی ژمارەیەک لە وەزیرەکانی ئاکەپە لە ئەڵمانیا لە کاتی ڕیفراندۆمی گۆڕینی دەستووری تورکیا ڕێگای پێنەدرا، سیگمار گابرییەل، وەزیری دەرەوەی ئەڵمانیا پێشنیاریی یاسایەکی کردووە، کە بەگوێرەی ئەو یاسایە بانگەشەی حزبە بیانییەکان لە ئەڵمانیا قەدەغە دەکرێت.

 

پاشان ئەو یاسایە بە فەرمی پەسند کرا، بەو شێوەیە بانگەشەی حزبە بیانییەکان لە ئەڵمانیا قەدەغە کرا.

 

دوێنێ وتەبێژی وەزارەتی دەرەوەی ئەڵمانیا ڕایگەیاند، کە ئەو یاسایە بۆ هەڵبژاردنی پێشوەختەی ٢٤ی حوزەیرانی تورکیاش پەیڕەودەکرێت.

 

ڕاشیگەیاند، کە تا ئێستا ئەردۆغان داوای لە حکومەتی ئەڵمانیا نەکردووە، کە لەو وڵاتەدا میتینگی هەڵبژاردن ئەنجام بدات، بەڵام  ئەگەر داوابکات، داوکارییەکەی ڕەتدەکرێتەوە.

 

دوێنێش، سباستییەن کروز، سەرۆک وەزیرانی نەمسا ڕایگەیاند: حکومەتی ئەردۆغان ساڵانێکی درێژە کە هەوڵ دەدات لە هاوڵاتیانی تورکی دانیشتووی ئەوروپا سوود وەربگرێت، نەمسا ڕێگانادات کە ئاکەپە لەو وڵاتەدا بانگەشە بۆ هەڵبژاردن بکات.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin