Smiley face
Smiley face
Smiley face

کیژانی دەربەندیخان کتێبیان دابەشکرد.. بە وێنە

2018-04-25 20:18:49



ڕۆژنیوز ـ هاوڕێ کرێکار 


گروپی کیژانى دەربەندیخان، بە بۆنەى ڕۆژى جیهانى کتێبەوە، هەڵمەتێکى دابەشکردنى کتێبیان بەسەر بەشێک لە شوێنە گشتیەکان و هاوڵاتیان دابەشکرد. 


ئەمڕۆ، لە شارۆچکەى دەربەندیخانى سەر بە پارێزگاى سلێمانى، گروپی کیژانى دەربەندیخان، کە لە سەرەتایی ساڵی ٢٠١٨ـ ەوە دامەزراون و لە ژمارەیەک کچی دەستڕەنگین و خاوەن بەهرە پێک دێن، بە بۆنەى ڕۆژى جیهانى کتێبەوە، کە دەکاتە ٢٣-ى نیسان کتێبیان دابەشکرد. 


گروپی کیژانى دەربەندیخان، بە بۆنەى ڕۆژى جیهانى کتێبەوە، هەڵمەتێکى دابەشکردنى کتێبیان ئەنجامدا، کتێبەکان بەشێکیان دابەشکران بەسەر شوێنە گشتیەکانى وەک پەیمانگاى تەکنیکى و قاوەخانەى کلتوری دەربەندیخان. 


دواتر، بەشێکی تری ئەو کتێبانەى گروپی کیژانى دەربەندیخان، دابەشکرا بەسەر ژنان و پیاوان لە نێو بازاڕى شارۆچکەکە. 


ئەمیرە عەزیز، سەرپەرشتیاری گروپی کیژانى دەربەندیخان، بۆ ڕۆژنیوز وتى: ئەو کتێبانەى دابەشمان کرد، بە بۆنەى ڕۆژى جیهانى کتێب ـ ەوە، لە ماوەى چەند ڕۆژى ڕابردوودا کۆمانکردەوە لە بەشێک لە کتێبخانەکان و نوسەران و ڕۆشنبیران و ڕۆژنامەنووسان. 

 


وتیشی: ئامانجمان لەم کارە جگە لە بەرزراگرتنى یادی ڕۆژى کتێب، گەیاندنى کتێب بوو بەو کەسانەى کە ڕەنگە نەتوانن بە ئاسانى کتێبیان دەستبکەوێت، بە دێوێکى تردا مەبەستمان بوو، ئەو کلتورە نەهێڵین کە لە هەندێ جێگا کارکردن تەنها بۆ پیاوانە و ژنان لێی بێبەشکراون.

 


ک.ک
 

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin