Smiley face
Smiley face
Smiley face

شاندی ژنانی ئەڵمانیا سەردانی شەهبا و شێراوایان کرد

2018-05-08 12:59:43



ڕۆژنیوز - ناوەندی هەواڵەکان

 

شاندی ژنانی ئەڵمانی کە بۆ لێکۆڵینەوە لەبارەی دۆخی هاوڵاتیانی عەفریندا چوونەتە ڕۆژئاوای کوردستان، سەردانی شەهبا و شێراوایان کرد.

 

پاش هێرشی داگیرکارانەی سوپای تورک و چەتەکانی بۆسەر عەفرین، سەدان هەزار هاوڵاتیی عەفرین ئاوارەبوون و چوونە شەهبا و شێراوا، شاندێک ژنانی ئەڵمانیا سەردانی ئەو ئاوارانەیان کرد.

 

چوار دکتۆری ئەڵمانی بەناوەکانی سوانت ئیلیژ، دانیەلا نیشیک، سیلڤیا هاوفە و سیلڤیا گابلمەن کە ئەندامی کۆمەڵە و ڕێکخراوە نێوودەوڵەتییەکانی تەندروستین لەو شاندەدا بوون.

 

شاندەکە پاش سێ ڕۆژ لێکۆڵینەوە گەڕان بە شەهبا و شێراوادا، سەرئەنجام لە کامپی بەرخۆدانی شەهبا کۆنگرەیەکی ڕۆژنامەنووسیان بەرێوەبرد.

 

لە کۆنگرەکەدا ڕایانگەیاند: ئێمە وەک ژنانی فیمینیست لە شەهبا سەردانی سێ لە کامپەکانی ئاوارەکانمان کرد، لەگەڵ بەرپرسانی تەندروستی و مانگی سوور قسەمان کرد و لەگەڵ بەڕێوبەرانی کامپەکانیش دوواین.

 

ڕاشیانگەیاند: گوێبیستی بەسەرهاتی هاوڵاتیان بووین، کە هەر کامەیان چیرۆکێکی تراژیدی بوو، ئێمە پێشێلکارییەکانی سوپای تورک شەرمەزاردەکەین و هەروەها هێزەکانی ناتۆ و بەتایبەتی حکومەتی ئەڵمانیا بەهۆی هاوکارییەکانیان بۆ حکومەتی تورک شەرمەزاردەکەین، داوادەکەین، کە خەڵکی عەفرین بگەڕێنەوە سەر خاکی خۆیان.

 

هەروەها بانگەوازییان کرد، کە بە زووترین کات لەلایەن ڕێکخراوە نێودەوڵەتییەکانەوە هاوکاری بنێردرێت بۆ ئاوارەکان، بەتایبەتی منداڵان، کە لە دۆخێکی زۆر مەترسیداردان.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin