Smiley face
Smiley face
Smiley face

رێبەری ناڕازییانی ئەرمەنستان بووە سەرۆک وەزیران

2018-05-08 13:55:25



رۆژنیوز - ناوەندی هەواڵەکان

 

نیکۆل پاشینیان، رێبەری ناڕازییانی ئەرمەنستان وەک سەرۆک وەزیرانی نوێی ئەو وڵاتە هەڵبژێردرا.

 

ئەمڕۆ ئەنجومەنی نەتەوەیی ئەرمەنستان بە ٥٩ دەنگی بەڵێ و ٤٢ دەنگی نەخێر، نیکۆل پاشنیانیانی وەک سەرۆک وەزیرانی نوێی حکومەتی ئەرمەنستان هەڵبژارد.

 

لە کاتی دانیشتنی ئەنجومەنی نەتەوەییدا هەزاران هاوڵاتیی ئەرمەنستان لە سەر شەقامەکان بوون و پاش ڕاگەیاندنی ئەنجامی دەنگدانەکە ئاهەنگی سەرکەوتنیان گێڕا.

 

پاشینیان پێش دەنگدانەکە وتبووی، کە گەندەڵی لە وڵاتدا بنبڕ دەکات و ڕێگری دەکات لەوەی کە لە هیچ هەڵبژاردنێکدا تەزویر بکرێت.

 

هەروەها ئاماژەی بە دانی دەرفەتی یەکسان بە ژنان لە کۆمەڵگادا دابوو و وتبووی، کە دەبێت رێژەی ژنانی بەشدار لە حکومەتدا زیاد بکەن.

 

جێگای ئاماژەیە، کە پاشینیان، ڕێبەری ناڕەزاییەکانی ئەرمەنستان بوو، بەهۆی ئەو بزوتنەوەیەی ئەو سازی کرد سێرژ سرکیسیان، سەرۆک کۆماری پێشو دەستی لەکار کێشایەوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin