Smiley face
Smiley face
Smiley face

مام حسێن، ١٥ ساڵە خزمەتی گوڵ و نەمام دەکات

2018-05-09 09:00:14



ڕۆژنیوز - ڕۆزە محەمەد

 

پیاوێکی بەتەمەن لە شاری سلێمانی ١٥ ساڵە باخێکی سلێمانی بە گوڵ و نەمام دەڕازێنێتەوە.

 

حسێن محەمەد، ژینگەپارێزێکی تەمەن ٥٣ ساڵە و هەر لە سەرەتاکانی تەمەنیەوە لەگەڵ خانەوادەکەی سەرقاڵی کشتوکاڵی و ئاژەڵداری بووە لە گوندەکانی سەر بە شارۆچکەی بازیان و پاشان هاتونەتە سلێمانی و ماوەی ١٥ ساڵیشە سەرقاڵی جوانکردنی باخەکانی شاری سلێمانییە.

 

ئێستا حسێن محەمەد ڕۆژانە لە کاتژمێرەکانی بەرە بەیانییەوە بەرەو باخەکەی کە لە گەڕەکی زەرگەتەی شاری سلێمانییە، ملی ڕێگا دەگرێتەبەر و بە عەشقەوە دەست بە کارەکانی ڕۆژانەی دەکات.

 

ڕۆژانە ئەو ژینگە پارێزە لە باخەکەیدا گوڵ و نەمان و چیمەن دەچێنێت و بژاریش دەکات، ئەو گژوگیایانەی کە زیادەن و زیان بە گوڵەکان دەگەیەنێت لێی دەکاتەوە، ماندوێتی و عارەقی نێوچاوانی مام حسێن بۆ بە جوانی هێشتنەوەی باخەکەیە، تاوەکو هاوڵاتیان لەکاتی سەردانەکەیاندا بۆ باخەکە کاتێکی خۆشی تێدا بەسەر ببەن.

مام حسێن توێکڵی چەرەساتەکان و قوتوی خواردنەوە گازییەکان و کیسی چپس و پسکیت ئەو کەلوپەلانەن کە باخەکە پیس دەکەن، دەبنەهۆی ماندووبوونی و پشتی ناچار بە چەمینەوە دەکەن.

 

 

مووچەی ئەم ژینگە پارێزانەش سەرەڕای کەمی بڕەکەیان، بەڵام دوور نەبووە لە جێبەجێبەکردنی سیستمی پاشەکەوتی مووچە، بە جۆرێک کە بڕی ١٥٠ هەزاریان لێبڕاوە و ژیانیانی بەرەو قورسی بردووە، هەربۆیە داوا لە حکومەت دەکات کە مووچەکانیان وەک خۆی لێبکرێتەوە و چیتر مووچەکانیان بە پاشەکەوەتەوە وەرنەگرن.

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin