Smiley face
Smiley face
Smiley face

بڕیارەکەی ئەمریکا ترافیکی دیبلۆماسی لە یەکێتی ئەوروپا زیاد کردووە

2018-05-11 20:22:02



ڕۆژنیوز – ناوەندی هەواڵەکان

 

کشانەوەی ئەمریکا لە ڕێککەوتنی ئەتۆمیی لەگەڵ ئێران، ترافیکی دیبلۆماسیی لە یەکێتی ئەوروپا زیادکرد، بڕیارە ڕۆژی سێشەممەی داهاتوو، لە یەکێتی ئەوروپا کۆبوونەوەیەک لەوبارەیەوە ئەنجامبدرێت.

 

بڕیارە ڕۆژی سێشەممەی داهاتوو، یەکێتی ئەوروپا، لەسەر پرسی کشانەوەی ئەمریکا لە ڕێککەوتننامەی ئەتۆمیی لەگەڵ ئێران، لەگەڵ هەریەکە لە وەزیرانی دەرەوەی ئەڵمانیا، فەرەنسا، بەریتانیا و ئێران کۆببێتەوە.

 

یەکێتی ئەوروپا سوورە لەسەر مانەوەی ڕێککەوتنی ئەتۆمیی لەگەڵ ئێران و لەدوای بڕیارەکەی ترامپیش بۆ کشانەوەی ئەمریکا لەو ڕێککەوتننامەیە، هەوڵ بۆ مانەوەی ئێران لە ڕێککەوتنەکە دەدەن.

 

هەریەکە لە وڵاتانی فەرەنسا، بەریتانیا و ئەڵمانیاش، لەدوای بڕیارەکەی ترامپ-ەوە لێدوانیان دا و جەختیان لەسەر پابەندبوونیان بە ڕێککەوتنەکەوە کردەوە.

 

بڕیارە ڕۆژی سێشەممەی داهاتوو، فەدەریجا مۆغەرینی، نوێنەری باڵای سیاسەتی دەرەوەی یەکێتی ئەوروپا، لەسەر پرسی کشانەوەی ئەمریکا لە ڕێککەوتننامەی ئەتۆمیی لەگەڵ ئێران، لەگەڵ هەریەکە لە وەزیرانی دەرەوەی ئەڵمانیا، فەرەنسا و بەریتانیا کۆببێتەوە و دواتریش بەجیا لەگەڵ وەزیری دەرەوەی ئێران کۆببێتەوە.

 

نوێنەری باڵای سیاسەتی دەرەوەی یەکێتی ئەوروپا، ڕێککەوتنی ئەتۆمیی لەگەڵ ئێران-ی بە یەكێک لە کارە هەرە سەرکەوتووەکانی دیبلۆماسییەت ناوبردووە.

 

هەریەکە لە چین و ڕوسیاش، کە واژۆیان لەسەر ڕێککەوتننامەی ئەتۆمیی لەگەڵ ئێران هەیە، پابەندبوونی خۆیان بە ڕێککەوتننامەکەوە دووپاتکردەوە.

 

ئەمە لەکاتێکدایە، شەوی سێشەممەی ڕابردوو، دۆناڵد ترامپ، سەرۆکی ویلایەتە یەکگرتووەکانی ئەمریکا، کشانەوەی وڵاتەکەی لە ڕێککەوتننامەی ئەتۆمیی لەگەڵ ئێران ڕاگەیاند.

 

ترامپ، ڕێککەوتنی ئەتۆمیی لەگەڵ ئێران-ی بە خراپترین ڕێککەوتننامەی سەردەم ناوبرد.

 

لە ساڵی ٢٠١٥، ڕێککەوتننامەی ئەتۆمیی ئەمریکا و وڵاتانی ئەوروپا لەگەڵ ئێران واژۆکرا، بۆ ئەوەی لەو ڕێگایەوە ئێران ناچار بکەن، کە دەستبەرداری بەرنامە ئەتۆمییکەی ببێت.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin