Smiley face
Smiley face
Smiley face

گەورەترین فێستیڤاڵی کرێکارانی جیهان پێشکەشی ئۆجالان دەکرێت

2018-05-12 09:58:00



ڕۆژنیوز - ناوەندی هەواڵەکان


١٣٤-ەمین فێستیڤاڵی کرێکارانی "دورهام مینێرس گالا"ی بەریتانیا کە گەورەترین فێستیڤاڵی کرێکارانی جیهانە، ئەمساڵ پێشکەشی ئازادیی ئۆجالان دەکرێت.


ئەرجان ئاکبال، هاوسەرۆکی ئەنجومەنی دیموکراتی گەلی کورد لە بەریتانیا دەڵێت، کە فێستیڤاڵی کرێکارانی بەریتانیا ئەمساڵ پێشکەش دەکرێت بە ئازادیی ئۆجالان، ئەو فێستیڤاڵە لەلایەن سەندیکای کرێکارییەوە بەڕێوەدەچێت، کە پێشتر کەمپەینی ئازادیی ئۆجالانی دەستپێکردبوو.


١٣٤ ساڵە کە بە بێ وەستان ئەو فێستیڤاڵە بەڕێوەدەچێت و هەموو ساڵێک سەدان هەزار کرێکار لەو فێستیڤاڵەدا بەشداری دەکەن.


ئالان کومینگز، سکرتێری گشتیی سەندیکای کرێکارانی بەریتانیا دەڵێت، وەک چۆن بۆ ئازادیی نێلسۆن ماندێلا تێکۆشاین، بۆ ئازادیی ئۆجالانیش هەوڵدەدەین.


هەروەها جۆ وینک-وۆرس، سەرۆکی گشتیی سەندیکاش دەڵێت، داواکارین کە عەبدوڵا ئۆجالان بە زوویی ئازاد بکرێت.


جێگای ئاماژەیە، کە ئەو فێستیڤاڵە هەموو ساڵێک لە شاری دورهامی بەریتانیا بەڕێوەدەچێت و زیاتر لە ٢٠٠ هەزار کرێکار بەشداریی تێدادەکەن، لەو فێستیڤاڵەدا ئەو کتێبانەی ئۆجالان کە بە ئینگلیزی وەرگێڕدراون بڵاودەکرێتەوە.


وابڕیارە فێستیڤاڵەکە لە ڕۆژانی ١٤ بۆ ١٦ی تەموز بەڕێوەبچێت.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin