Smiley face
Smiley face
Smiley face

ڕوانگەی سوری: لە هێرشەکانی ئیسرائیل بۆسەر سوریا ١١ ئێرانی کوژراون

2018-05-12 16:05:17



ڕۆژنیوز - ناوەندی هەواڵەکان

 

ڕوانگەی سوری بۆ مافەکانی مرۆڤ، کە ناوەندەکەی لە لەندەنی پایتەختی بەریتانیایە، ڕایگەیاند، کە لە ئەنجامی هێرشەکانی ئیسرائیل بۆسەر بارەگاکانی سوپای سوریا ١١ ئێرانی کوژراون.

 

بەگوێرەی هەواڵێک کە ئەمڕۆ ڕوانگەی سوری بۆ مافەکانی مرۆڤ بڵاویکردووەتەوە، لە ئەنجامی هێڕشەکانی ئەم دوواییانەی سوپای ئیسرائیل بۆسەر بارەگا سەربازییەکانی سوریا ٢٧ کەس کوژراون.

 

ڕوانگەی سوری ڕایگەیاندووە: لە ئەنجامی موشەکبارانی بارەگا سورییەکان کە بەرەبەیانیی ڕۆژی پێنجشەممەی هەفتەی ڕابردوو ڕوویدا، ٢٧ کەس کوژراون، کە ١١یان ئێرانین، شەشیان سورین و ١٠یان هێزیی بیانیی سەربە سوپای سوریا بوون.

 

وەزیری بەرگریی ئیسرائیل پاش ئەو هێرشە ڕایگەیاندبوو، کە سنوورەکانی جۆلان لەلایەن هێزە ئێرانییەکان لە سوریا و لە ژێر فەرمانی قاسم سولەیمانیدا موشەکباران کران، بۆیە لە وەڵامدا بارەگاکانی ئێڕان لە خاکی سوریامان کردووەتە ئامانج.

 

هاوکات، بەهرام قاسمی، وتەبێژی وەزارەتی دەرەوەی ئێران دەڵێت: هێرشەکانی ئیسرائیل پێشێلکردنی سەروەریی خاکی سوریایە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin