Smiley face
Smiley face
Smiley face

هاوڵاتییەک بەهۆی هەڵواسین بە پەت گیانی لەدەستدا

2018-05-13 16:40:45



ڕۆژنیوز – ناوەندی هەواڵەکان

 

پۆلیسی ڕاپەڕین ڕایگەیاند، کە هاوڵاتییەک لە گوندێکی سەر بە شارەدێی چوارقوڕنە بەهۆی هەڵواسین بە پەت گیانی لەدەستداوە.

 

بەگوێرەی ڕاگەیەندراوێکی پۆلیسی ئیدارەی ڕاپەڕین، نیوەڕۆی ئەمڕۆ تەرمی هاوڵاتیێکی لە ڕەگەز نێر گەیەندراوەتە نەخۆشخانەی گشتیی شارۆچکەی ڕانیە، کە شوێنەواری برینی پەت بە ملییەوە بووە.

 

هەروەها، هاتووە: دەستبەجێ ڕێکاری یاسایی گیرایە بەر و تەرمی ناوبراو گواسترایەوە بۆ پزیشکی دادوەریی ڕانیە، بۆ ئەنجامدانی توێکاری پزیشکیی بۆ تەرمەکە.

 

پۆلیسی ڕاپەڕین، ئاشکراشیکردووە: لەگەڵ دەرچوونی هێزەکانمان لە بەڵگەو تاوان و بنکەی پۆلیسی بیتوێن بۆ شوێنی ڕووداوەکە، دەرکەوت کەسەکە لەماڵەکەی خۆیان لە گوندی گردجان بە پەت هەڵواسراوە و لەشوێنی ڕووداوەکە دەستگیرا بەسەر پارچەیەک پەت، کە بەکارهاتووە لە ڕووداوەکەدا.

 

هەر لە ڕاگەیەندراوەکەدا، ئاماژە بەوەشکراوە: مەلەفی لێکۆڵینەوە بۆ ڕووداوەکە ڕێکخراوە، بەگوێرەی وتەی برایەکی بەناوی ( ر.ح.ع ) کەسەکە لە ماڵەکەی خۆیان دەرگای لەسەر خۆی داخستووە و بە پەت خۆی هەڵواسیوە.

 

پۆلیسی ڕاپەڕین، ئەوەشی خستووەتەڕوو، کە کەسەکە ناوی (س.ح.ع) تەمەن (٤٤)  بووە و ساڵ دانیشتوی گوندی گردجان-ی سەر بە شارەدێی چوارقوڕنەیە.

 

لە کۆتایی ڕاگەیەندراوەکەی پۆلیسی ڕاپەڕیندا، هاتووە: دوای ئەنجامدانی توێکاری پزیشکیی بۆ تەرمی ( س.ح.ع ) ڕادەستی کەسوکاری کرایەوە، لەسەر ڕووداوەکە کەس دەستگیر نەکراوە و لێکۆڵینەوە لە ڕووداوەکە بەردەوامە.

 

به‌پێی ئامارێکی ڕۆژنیوز، که‌ ڕۆژانه‌ له‌گه‌ڵ ڕووداوه‌کان لای خۆی کۆی کردووه‌ته‌وه‌، له‌ سه‌ره‌تای ئه‌مساڵه‌وه‌ تا ئێستا ١٣٦ که‌س له‌ باشوری کوردستان کوژراون یان خۆیان کوشتووه‌.

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin