Smiley face
Smiley face
Smiley face

بەریتانیا دڵنیایی دەداتە ئێران

2018-05-14 09:55:02



ڕۆژنیوز – ناوەندی هەواڵەکان

 

سەرۆک وەزیری بەریتانیا ئێران-ی دڵنیاکردەوە، کە وڵاتەکەی و هاوبەشە ئەوروپییەکانی پابەندن بە پشتیوانیکردن لە ڕێککەوتنە ئەتۆمییەکەوە.

 

تێریزا مەی، سەرۆک وەزیرانی بەریتانیا پەیوەندیەکی تەلەفۆنیی لەگەڵ حەسەن ڕۆحانی، سەرۆکی ئێران ئەنجام داوە و شەوی ڕابردوو نووسینگەی تێرازامەی ڕاگەیەندراوێکی لەوبارەیەوە بڵاوکردەوە.

 

بەپێی ڕاگەیەندراوەکە، تێریزا مەی، ڕۆحانیی دڵنیاکردووەتەوە، کە وڵاتەکەی و هاوبەشە ئەوروپییەکانی پابەندن بە پشتیوانیکردن لە ڕێککەوتنە ئەتۆمییەکەوە.

 

هەروەها، هەردوولا لەسەر گرنگی بەردەوام بوونی گفتوگۆکانی نێوان دوو وڵاتەکە و چاوەڕێی کۆبوونەوەکەی ڕۆژی سێ شەممەی وەزیرانی دەرەوەی بەڕیتانیا و ئەڵمانیا و فەڕەنسا و ئێران لە بڕۆکسل دەکەن.

 

لە ساڵی ٢٠١٥، ڕێککەوتننامەی ئەتۆمیی ئەمریکا و وڵاتانی ئەوروپا لەگەڵ ئێران واژۆکرا، بۆ ئەوەی لەو ڕێگایەوە ئێران ناچار بکەن، کە دەستبەرداری بەرنامە ئەتۆمییکەی ببێت.

 

هەفتەی ڕابردوو، دۆناڵد ترامپ، سەرۆکی ئەمریکا، کشانەوەی وڵاتەکەی لە ڕێککەوتننامەی ئەتۆمیی لەگەڵ ئێران ڕاگەیاند.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin