Smiley face
Smiley face
Smiley face

جیهان لە بەرامبەر کۆمەڵکوژیی فەلەستینییەکاندا بێدەنگە

2018-05-15 10:18:27



ڕۆژنیوز - ناوەندی هەواڵەکان

 

هەرچەند چەند وڵاتێک لەدژی کۆمەڵکوژیی دوێنێ فەلەستینییەکاندا هەڵوێستیان پیشاندا، بەڵام زۆربەی وڵاتانی جیهان بێدەنگییان هەڵبژارد.

 

لە ئەنجامی خۆپیشاندانێکی هاوڵاتیانی فەلەستینی لەدژی گواستنەوەی باڵیۆزخانەی ئیسرائیل بۆ قودس و هێرشی سوپای ئیسرائیل بۆسەر خۆپیشاندانەکە ٥٥ هاوڵاتی کوژران و دوو هەزار و ٧٠٠ کەسیش برینداربوون.

 

مەحمود عەباس، سەرۆکی حکومەتی فەلەستین لەبارەی ئەو کۆمەڵکوژییەوە سەرۆک و بەرپرسانی حکومەتی ئیسرائیلی تاوانبارکرد و بڕیاری ترامپ بۆ گواستنەوەی باڵیۆزخانەی ئیسرائیل بۆ قودسی شەرمەزارکرد.

 

مەحمود عەباس وتی، کە ئەمریکا ڕۆڵی خۆی بۆ ناوبژیوانی لە نێوان ئیسرائیل و فەلەستیندا بیرچووەتەوە، هەروەها قودسی بە بارەگای نایاسایی یەهودییەکان ناوزەد کرد.

 

ڕێکخراوی ئامنستی ئینترناشناڵ ئەو کۆمەڵکوژییەی سوپای ئیسرائیلی شەرمەزارکرد و ڕایگەیاند، کە هێرشی ئیسرائیل پێشێلکردنی مافە نێوەدەوڵەتییەکانی مرۆڤە.

 

هەروەها کوێت بانگەوازیی کۆبوونەوەیەکی بەپەلەی کرد بۆ ئەنجومەنی ئاسایشی نەتەوە یەکگرتووەکان.

 

فیدیریکا مۆگرینی، بەرپرسیی سیاسەتەکانی دەرەوەی یەکێتی ئەوروپا بانگەوازیی هەر دوو لایەنەکەی کرد، کە ئارامیی ناوچەکە بپارێزن، داواشی لە ئیسرائیل کرد، کە دەستێوەردانی سنووردار لە خۆپیشاندانی فەلەستینییەکاندا بکات، هەروەها بانگەوازیی حەماس و ڕێکخراوە فەلەستینییەکانی کرد، کە خۆپیشاندانەکان لە توندوتیژی دوور ڕابگرن.

 

ئەڵمانیا، بەریتانی و فەرەنسا دووشکن لە پیشاندانی هەڵوێستی ڕاشکاو و بانگەوازیی هەستیاربوونیان کردووە لە هەر دوو لایەنەکە.

 

لە ئەستەنبولی تورکیاش خۆپیشاندانێک بۆ شەرمەزارکردنی هێرشی ئیسرائیل بۆ سەر هاوڵاتیانی فەلەستینی ئەنجامدرا.

 

بنیامین نتانیاهو، سەرۆک وەزیرانی ئیسرائیل ڕایگەیاندووە، کە حەماس هەزاران فەلەستینی بردووەتە سەر سنوورەکان بۆ لە ناوبردنی ئیسرائیل.

 

لەلایەکیترەوە، ڕاژ شاه، وتەبێژی کۆشکی سپی پشتگیریی حکومەتی ئیسرائیی کرد و حەماسی بە بەرپرسی ئەو ڕووداو ناونا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin