Smiley face
Smiley face
Smiley face

لە ئەفغانستان شەڕێکی سەختە

2018-05-15 11:37:46



ڕۆژنیوز - ناوەندی هەواڵەکان

 

چەکدارەکانی تاڵیبان لە ڕۆژئاوای ئەفغانستانەوە هێرشێکیان کردە سەر ناوەندی پارێزگای فەراه، شەڕ و تێکهەڵچوون لەنێوان ئەو چەکدارانە و پۆلیس و سوپای ئەفغانستان ڕوویدا، شەڕەکە هێشتا بەردەوامە.

 

کاتژمێر ٠١:٠٠ی بەرەبەیانیی ئەمڕۆ ژمارەیەکی زۆر لە چەکدارەکانی تاڵیبان هێرشێکیان ڕێکخست بۆ سەر پارێزگای فەراه و دەستیان بەسەر بەشێک لە ناوەندی فەراهدا گرت، شەڕ لە ناوەندی فەرهدا بە قورسی بەردەوامە و هەر دوو لایەنی شەڕەکە کوژرا و برینداری زۆریان داوە.

 

فەرید بەختور، سەرۆکی ئەنجومەنی پارێزگای فەراه ڕایگەیاندووە، کە شارەکە زۆری نەماوە بکەوێتە دەستی چەکدارەکانی تاڵیبانەوە.

 

هێشتا لەبارەی کوژراو و بریندارەکانی دوو لایەنی شەڕەکەوە ئاماری رێک لە دەستدا نییە، بەڵام ڕاگەیەندراوە، کە هەر دوو لایەنەکە زیانی زۆریان بەرکەوتووە.

 

حکومەتی ئەفغانستان هێزی سەربازیی زۆری ڕەوانەی ئەو پارێزگایە کردووە.

 

پێشتر پەرلەمانتارانی ئەو پارێزگایە لە پەرلەمانی ئەفغانستان هۆشدارییان دابووە حکومەت، کە نزیکەی چوار هەزار چەکداری تاڵیبان لە پارێزگای فەراهن و پێدەچێت هێرش بکەنە سەر ئەو پارێزگایە.

 

لەوبارەیەوە وەزارەتی بەرگریی ئەفغانستان سەرلەبەیانیی ئەمڕۆ ڕاگەیەندراوێکی بڵاوکردووەتەوە و تێیدا بەڵێنی داوەتە هاوڵاتیانی فەراه، کە ناوچەکە لە چەکدارەکانی تاڵیبانە پاکدەکاتەوە ئارامی و ئاسایش دەگەڕێنێتەوە.

 

تا کاتی ئامادەکردنی ئەم هەواڵە شەڕ لە نێوان چەکدارەکانی تاڵیان و سوپا و پۆلیسی ئەفغانستان دا بەردەوامە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin