Smiley face
Smiley face
Smiley face

منداڵێک کوژرا

2018-05-16 12:12:56



ڕۆژنیوز – کەرکوک

 

لە شاری کەرکوک بە تەقەی هێزە عێراقییەکان، منداڵێک کوژرا و باوکیشی بریندار کرا.

 

درەنگانی شەوی ڕابردوو لەکاتی دەبڕینی خۆشیی بەهۆی سەرکەوتنەکانی کورد و لیستی یەکێتی نیشتیمانیی کوردستان لە هەڵبژاردنی ئەنجومەنی نوینەرانی عێراق، لە شاری کەرکوک دەنگدەران و لایەنگرانی یەکێتی ڕژانە سەر شەقامەکان و بە یاریی ئاگرین وهەڵەپڕین گەڕان بەناو شاردا خۆشییان دەربڕی، هێزە عێراقییەکان بەناو شاردا بڵاوەیان پێکرا.

 

بەگوێرەی لێدوانی سەرچاوەیەکی پۆلیس بۆ ڕۆژنیوز، لە گەڕەکی شۆریجە و نزیک قەسابەکان هێزە عێراقییەکان داوایان لە هاوڵاتیان کردووە، کە بڵاوە بکەن و تەقەیان کردووە، فیشەکەکان بەر ئۆتۆمبێلێک کەوتوون و لە ئەنجامدا شۆفێرەکە و سێ سەرنیشین، بریندابوون، دواتر لە نەخۆشخانەکە یەکێک لە بریندارەکان گیانی لەدەستادوە، کە منداڵێکی تەمەن شەش ساڵە بەناوی (هێمن غەمگین) و کوڕی شۆفێرەکەیە.  

 

هەتا ئامدەکردنی ئەم هەواڵە، بریندارەکانی لە نەخۆشخانەی ئازادیی شاری کەرکوکن و لەلایەن پزیشکەکانەوە چارەسەریان بۆ دەکرێت.


به‌پێی ئامارێکی ڕۆژنیوز، که‌ ڕۆژانه‌ له‌گه‌ڵ ڕووداوه‌کان لای خۆی کۆی کردووه‌ته‌وه‌، له‌ سه‌ره‌تای ئه‌مساڵه‌وه‌ تا ئێستا ١٣٧ که‌س له‌ باشوری کوردستان کوژراون یان خۆیان کوشتووه‌، بێجگە لە کردەوە تیرۆرستییەکان.

 

ش.ف/هـ

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin