Smiley face
Smiley face
Smiley face

سیدەکان، دەوڵەتی تورک بەربەستی بۆ جوتیاران و ئاژەڵداران دروستکردووە

2018-05-17 13:17:36



ڕۆژنیوز - زاهیر ئیبراهیم

 

تۆپباران و بۆردوومانەکانی سوپای تورک، بەربەستی لەبەردەم کاری جوتیاران و ئاژەڵدارانی سیدەکان-دا دورستکردووە و ناتوانن بۆ لەوەڕاندنی ئاژەڵەکانیان ڕوو لە کوێستانەکان بکەن، بەرپرسێک-یش دەڵێت: پێویستە سوپای تورک لە سیدەکان نەمێنێت، بەمەبەستی گەڕانەوەی ئارامیی بۆ دانیشتوانەکەی.

 

هێرشەکانی دەوڵەتی تورک بۆسەر گوندەکانی شارەدێی سیدەکان-ی سەر بە پارێزگای هەولێر بەردەوامیی هەیە و زیادبوونی بنکە سەربازییەکانیان لەو شوێنانە، مەترسیی زیاتری لەسەر ژیانی هاوڵاتیاندروستکردووە.

 

ئیحسان چەلەبی، بەڕێوەبەری شارەدێی سیدەکان بە ڕۆژنیوزی وت:"سیدەکان شوێنێکی زۆر گونجاوە بۆ بەخێوکردنی ئاژەڵ بەتایبەت کوێستانەکان، بەڵام بەهۆی بوونی سوپای تورک و شەڕ و پێکدادانەکان، هاوڵاتیان ناتوانن بۆ بەخێوکردنی ئاژەڵ ڕوو لەم ناوچانە بکەن".

 

ئیحسان چەلەبی، وتیشی:"بەشێک لەو شوێنانەی کە بنکەی سەربازیی تورکیای لێوە نزیکە لە ساڵانی ڕابردوودا لەلایەن هاوڵاتیان کراوەتە شوێنی چاندن، بەڵام ئێستا ناتوانن نزیکی ئەم شوێنانە بکەون بەهۆی تۆپباران و هێرشی سوپای تورکیا، بەتایبەت لە خنێرە و بەرمیزە و خواکورک و کەوێت و کەتین و چیادێڵ، ئەم شوێنانە بنکەی سەربازیی سوپای تورکی لێیە و مەترسیدارن".

 

ناوبراو، ڕاشیگەیاند، کە ئاڵۆزییەکانی سیدەکان بەردەوامە و کەم رۆِژ هەیە سوپای تورکیا تۆپبارانی هەندێک شوێن نەکات، جەختیشیکردەوە، کە پێویستە سوپای تورک لە سیدەکان نەمێنێت، بەمەبەستی گەڕانەوەی ئارامیی بۆ دانیشتوانی سیدەکان.

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin