Smiley face
Smiley face
Smiley face

چەند دانپێدانانێکی گرنگ لە بەرپرسێکی چەتەکانی داعشەوە

2018-05-20 15:14:31



ڕۆژنیوز - ناوەندی هەواڵەکان

 

بەرپرسێکی باڵای چەتەکانی داعش کە بۆ ماوەیەکی زۆر لەلایەن دەزگا هەواڵگرییەکانی عێراق و پۆلیسی نێودەوڵەتییەوە لەژێر چاودێریدا بووە، دەستگیرکراوە و دانی بە چەند بابەتێکی گرنگدا ناوەو، لەنێویاندا پەوەندییەکانی داعش و دەوڵەتی تورک.

 

ئەو چەتەیە کاتێک کە ویستوویەتی لە تورکیاوە بچێتە سوریا و لەوێوە بەرەو عێراق تێپەڕبێت دەستگیرکراوە.

 

تەمییز عەبدولسەتار بەیرەقدار، وتەبێژی دادگای باڵای عێراق دەڵێت، ئەو چەتەیە چەندین زانیاریی زۆر گرنگی لەبارەی چەتەکانی داعشەوە پێداون.

 

 

ڕاشیگەیاندووە: ئەو سەرچەتەیە بە زمانەکانی ئینگلیزی، فەرەنسی و ئیسپانی لە ڕێگای سکایپەوە پەیوەندی بەدەرەوە کردووە و بووەتە هۆی بەشداربوونی ژمارەیەکی زۆر لە ناو چەتکانی داعشدا.

 

ئەو سەرچەتەیە هەروەها لەبارەی هەبوونی چەتەکانی داعش لە ئیدلب و پەیوەندییە ژێربەژێرەکانیان لەگەڵ تورکیا زانیاری داوەتە پۆلیسی عێراق و ڕایگەیاندووە: چەتەکانی داعش بەناوی هێزەکانی ئۆپۆزسیۆنی سوریا لە ئیدلبن و ئەردۆغان پشتگیرییان دەکات.

 

بەیرەقدار دەشڵێت: ئەو بەرپرسەی چەتەکانی داعش باسی پەیوەندییەکانی داعش بە سوپای ئازادیشی کردووە و ئاشکرایکردووە، کە چەکی سووک و قورسییان لە سوپای ئازاد وەرگرتووە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin