Smiley face
Smiley face
Smiley face

پێکهێنانی کۆنگرەی نەتەوەیی ژنانی کوردی هێنایە لای یەک

2018-05-20 20:02:34



ڕۆژنیوز – ناوەندی هەواڵەکان

 

نوێنەری چەندین ڕێکخراوی کوردستانیی بواری ژنان لە ئەوروپا، لەسەر پرسی کۆنگرەی نەتەوەیی، کۆبوونەوەیەکیان ئەنجامدا و گفتوگۆیان لەبارەی گرنگیی پێکهێنانی یەکێتی نەتەوەیی کرد، لەو قۆناغەی کە ئێستا کوردستانی پێدا تێپەڕدەبێت.

 

ئەمڕۆ، ژنانی هەریەکە لە ڕێکخراوی تەڤگەری ژنانی کوردستان لە ئەوروپا، کۆمەڵگای ژنانی ئازادیی کوردستان-کەژار، یەکێتی نیشتمانی کوردستان، بزووتنەوەی گۆڕان، یەکگرتوو و کۆمەڵی ئیسلامیی، پارتی دیموکراتی کوردستان-عێراق، تەڤگەری ئازادیی ژنانی ئێزدی-تاژێ، جڤاکی ئیسلامیی کوردستان، پەیەدە، کۆنگرەستار، ژنانی کاکەیی و فەیلی و ژنانی ئەندام لە کۆنگرەی نەتەوەی کوردستان-کەنەکە، لەبارەی پێکهێنانی کۆنگرەی نەتەوەییەوە لە هۆڵەندا کۆبوونەوە.

 

قوەستا داودی، وتاری دەستپێکی کۆبوونەوەکەی پێشکەشکرد، پاشان ساکینە کاراکۆچان، ژنە سیاسەتمەداری کورد قسەیکرد و وتی: لەم قۆناغەدا کە کوردستان داگیرکراوە، پێکهێنانی کۆنگرەی نەتەوەیی زۆر گرنگە.

 

ناوبراو لە قسەکانیدا، تیشکی خستەسەر دەستدرێژیکردنە سەر تەرمی شەهید ئەکین وان، گەریلای یەژاستار و وتی: کاتێک دەستدرێژییان کردە سەر تەرمی هەڤاڵ ئەکین، ئێمە بێدەنگ بووین، سوپای تورک سەرەتا دەستدرێژی کردە سەر تەرمی شەهیدەکانمان، پاشان هێرشیان کردە سەر عەفرین، دەوڵەتی تورک تەنانەت لە لاشەی ژنانی کورد دەسترسێت، لەبەر ئەوە دەبێت ژنانی کورد یەکێتیی نەتەوەیی پێکبهێنن و کاری بۆ بکەن.

 

کۆبوونەوەکە تا کاتژمێر ٠٦:٠٠ی ئێوارە بەکاتی هۆڵەندا بە پیشاندانی سینەفزیۆن و گفتوگۆ بەردەوامبوو، بڕیارە سبەینێش بەردەوامیی بە کۆبوونەوەکە بدرێت.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin