Smiley face
Smiley face
Smiley face

مێژووی زەردەشتییەکان لە هونەری ژنێکدا ڕەنگدەداتەوە.. بەوێنە

2018-05-21 16:15:17



ڕۆژنیوز - سلێمانی

 

مهاباد، ژنە هونەرمەندێکە و هونەرەکەی لە کاری سیرامیک-دا خۆی دەبینێتەوە، بە کردنەوەی پێشانگایەک، گوزارشت لە مێژووی زەردەشتییەکان دەکات.

 

ئەمڕۆ، چوارەمین ڕۆژی نمایشکردنی کارە سیرامیکییەکانی هونەرمەند مهاباد جەمالە، کە لە گەلەری ئازاد شەوقی لە شاری سلێمانی، لە لایەن کۆمەڵەی حەوت ڕەنگ کراوەتەوە و زیاتر لە ٦۰ کاری نمایشکردووە.

 

لە پێشانگاکەدا چەندین کاری جۆراوجۆر خرایە ڕوو، کە هەریەک لەوان باس لە مێژووی زەردەشتییەکان لە شەڕ و پەرستگاکان دەکات.

 

مهاباد، بۆ بیرۆکە و کردنەوەی ئەم پێشانگایە و کارەکانی ماوەی چەند ساڵێک سەرقاڵ بووە بە لێکۆڵینەوە، ئامانجیشی  پاراستنی مێژوو و ناسنامەی کورد و خزمەتکردنە بەو مێژووە، بەتایبەت ناساندنی مێژووی زەردەشت، کە لەم پێشانگایەدا نمایشکراوە.

 

مهاباد جەمال، لە دایکبووی ساڵی ۱۹۷۳ی شاری سلێمانییە و دەرچووی پەیمانگای تەکنیکی و لە ساڵی ۲۰۰۰ەوە سەرقاڵە بە کاری سیرامیک، خاوەنی چەندین کاری هونەرییە و بەشداریی لە زیاتر لە ۱۰۰ پێشانگای هاوبەشدا کردووە، ئەمەش لە ئێستادا سێیەمین پێشانگای تایبەت بەخۆیەتی.

 

 

ب.ل/س



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin