Smiley face
Smiley face
Smiley face

نابیستێک ٢٥ ساڵە ڕێگا لە لەکارکەوتنی کاتژمێرەکانی هەڵەبجە دەگرێت

2018-05-22 08:33:37



ڕۆژنیوز – جیهاد هەورامی

 

پیاوێکی نابیست نزیکەی ٢٥ ساڵە کاتژمێرەکانی هەڵەبجە چاک دەکاتەوە و ڕێگە دەگرێت لە کارکەوتنیان.

 

عەلی فەتاح، هاوڵاتییەکی دانیشتووی شاری هەڵەبجەیە و تەمەنی ٤٢ ساڵە و بە نابیست(کەڕوڵاڵیی) لەدایک بووە، بەڵام ئەوە ڕێگر نەبوو لەوەی، کە نەبێتە خاوەن پیشە و نەتوانێت بژێویی خۆی دابین بکات، بەڵکو نزیکەی چارەکە سەدەیەکە پیشەی سەعاتچێتیی(چاککردنەوەی کاتژمێر) دەکات.

 

 

باوکی عەلی، ساعەتچیی بووە، هەربۆیە بەمنداڵیی خولیای پیشەکەی باوکی دەچێتە مێشکی و سەرباری ئەوەی لەخوێندن بێ‌ بەش بوو، بەڵام بەشێوەیەکی خێرا توانی ئەو هەنگاوە بە سەرکەوتوویی ببڕێت و دەست بە چاککردنەوەی کاتژمێر بکات.

 

 

عەلی لەسەر شەقامی گشتیی شاری هەڵەبجە دوکانێکی بەکرێ‌ گرت و تا ئێستا بە بەردەوامیی لەو دوکانەدا سەرقاڵی پیشەکەیەتی.

 

 

ئەو کەسانەی سەردانی دەکەن هیچ گرفتێکیان لە تێگەیاندنی نییە و زۆر بە ئاسانی لە کێشەی کاتژمێرەکەیان تێدەگات و لەماوەیەکی زۆر کەمدا بۆیان چاک دەکاتەوە و ئەمەش بوەتەهۆی ئەوەی متمانەیەکی باش لەلایەن ئەو کەسانە پەیدا بکات.

 

عەلی فەتاح، جگە لە چاککردنەوەی کاتژمێر وەک خولیایەک خۆی فێری چاککردنەوەی ئامێرەکانی سەتەلایت و پلەی ستەیشن و پایسکیل بووە و گۆشەیەکی دوکانەکەی بۆ ئەوانە تەرخان کردووە، هەروەها توانیوێتی بە دروستکردنی پایدەر و ئامێرێکی خەزنکردن، کارەبا بۆ خۆی دابین بکات.

 

 

ش.ف

 

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin