Smiley face
Smiley face
Smiley face

باخی گشتی هەڵەبجە، مێژوویەکی کۆن و خزمەتێکی بەردەوام.. بە وێنە

2018-05-22 09:06:29



ڕۆژنیوز - هاوکار مستەفا


باخی گشتی هەڵەبجە بە یەکێک لە کۆنترین شوێنە مێژوییەکانی هەڵەبجە دادەنرێت، بەهۆی هەڵکەوتەی شوێنەکەیەوە بووەتە جێگەیەک بۆ کۆبوونەوەی چین و توێژە جیاوازەکانی هەڵەبجە و بەخشینی سیمایەکی جوان بە شارەکە.


باخی عەلی بەگ، کە ناسراوە بە باخی گشتی هەڵەبجە، مێژووی دامەزراندنەکەی بۆ ساڵی ١٩٤٥ دەگەڕێتەوە، بەتایبەت لە سەردەمی هۆزەکانی جاف و بنەماڵەی وەسمان پاشا کە دەستێکی سەرەکییان هەبووە لە بونیادنانی شاری هەڵەبجە، بۆیە بە کۆنترین باخی گشتی دادەنرێت لە سنوری پارێزگای هەڵەبجە و دەوروبەری، کە زەویەکەی لەلایەن بنەماڵەی وەسمان پاشاوە تەرخانکراوە. 


ڕووبەری باخەکەش زیاد لە ١٠ دۆنم زەوییە کە دوو دەرگای چوونە ژوورەوەی هەیە و پەیکەری عادیلە خانمی تیادایە، لە قۆناغە جیاوازەکانی مێژووی هەڵەبجەدا ئەو دارودرەخت و گوڵ و گوڵزارەی تیایدایەتی گۆڕانکاری بەسەردا هاتووە و لە ئێستاشدا و دیمەنێکی جوانی هەیە و بووەتە جێگایەک بۆ کۆکردنەوەی چین و توێژە جیاوازەکانی هەڵەبجە بە بێ‌ جیاوازیی.


لە سنوری شارەوانی هەڵەبجە ٣٠ باخچەی دیکە هەیە، بەڵام باخی گشتی  تایبەتمەندی خۆی هەیە، بەهۆی ئەوەی کەوتوەتە سەنتەری شار و نزیکی ناوبازاڕە و ڕووبەرێکی فراوانی هەیە، بەڵام لەڕووی ئیدارەدانی باخی گشتییەوە گرفت هەیە، لەبەرئەوەی کارمەندی پێویست نییە بۆ سەرپەرشتیکردنی و هەروەها بودجەی پێویستیشی بۆ تەرخان نەکراوە بۆ نۆژەنکردنەوەی ئامێر و کەرەستەکانی ناوی، بەتایبەت لە ڕووی ڕووناکی و هەندێک پێداویستی دیکەوە.


باخی گشتی بووەتە سیمبوڵێک بۆ شاری هەڵەبجە، بۆیە گرنگە بە هەموو لایەک باخی گشتی بە موڵکی خۆی بزانێت و پارێزگاری لە ژینگە و دارو درەخت و گوڵەکانی ناوی بکرێت و کەس ڕێگە بە خۆی نەدات، کە لە کاتی چوونە باخەکەوە پاشماوە لەدوای خۆیان جێبهێڵن و ژینگەکەی پیس بکەن.

 

 


ک.ک
 

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin