Smiley face
Smiley face
Smiley face

دەمیرتاش: کات کاتی سەرکەوتنە

2018-05-22 14:24:52



ڕۆژنیوز - ناوەندی هەواڵەکان


سەلاحەدین دەمیرتاش، کاندیدی پارتی دیموکراتی گەلان- هەدەپە بۆ سەرۆکایەتیی کۆماری تورکیا لە زیندانەوە پەیامێکی بڵاوکردەوە و ڕایگەیاند، کات کاتی سەرکەوتنە.


ئەمڕۆ سەلاحەدین دەمیرتاش بە بۆنەی ڕاگەیاندنی کاندیدەکانی هەدەپە بۆ هەڵبژاردنی پەرلەمان، لە زیندانی ئەدیرنەوە پەیامێکی ئاراستەی دەرەوە کرد.


پەیامەکەی دەمیرتاش لە میتینگی ناساندنی کاندیدەکانی هەدەپە بۆ هەڵبژاردنی پەرلەمان خوێندرایەوە.


دەمیرتاش ڕایگەیاند: هەڤاڵانی ئازیزم بڕیاریان داوە بەردەوام بن لە تێکۆشان بۆ دیموکراسی و ئاشتی و ئازادیی تا گەیشتن بە سەرکەوتن، ئەو بڕیارە بەرزدەنرخێنم و سڵاو بۆ هەموو هەڤاڵان دەنێرم.


ڕاشیگەیاند: تێکۆشانی هەدەپە دەتوانێت چارەنووسی هەموو ژێردەستان و ستەملێکراوان بگۆڕێت، هەڵبژاردنی ٢٤ی حوزەیران زۆر هەستیارە، بۆیە دەبێت بۆ بەدیهێنانی دەستکەوتی مەزن لەو هەڵبژاردنەدا، لە سبەینێوە هەمووان لە مەیدانەکانی تێکۆشان بن.


لەکۆتاییشدا ڕایگەیاند: ئێمە لە زیندانەوە بە هەیەجانەوە ئاگامان لە دەرەوەیە، کە هیوای خەڵک دەبینین بۆ سەرکەوتن زیندانەکەمان ڕووناک دەبێتەوە، ئیدی کاتی سەرکەوتن هاتووە، باوەڕم وایە ئێو دەتوانن.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin