Smiley face
Smiley face
Smiley face

سەدان هاوڵاتی لە ناوچەکانی داعشەوە خۆیان گەیاندە شەڕڤانان

2018-05-22 20:54:20



ڕۆژنیوز – ناوەندی هەواڵەکان

 

سەدان هاوڵاتی ناوچەی دشیشا-ی سەر بە دۆرەزۆر، کە لەژێر چنگی چەتەکانی داعش-دایە هەڵهاتن و خۆیان گەیاندە ئەو ناوچانەی، کە لەلایەن شەڕڤانانی قەسەدە-ەوە ڕزگارکراون.

 

ئەمڕۆ، ٢١٦ هاوڵاتی مەدەنیی لە ناوچەی دشیشە-ی سەر بە شاری دێرەزۆر، کە دەکەوێتە سەر سنووری عێراق-سوریا و تا ئێستا لەژێر چنگی چەتەکانی داعشدایە، لە ناوچەکە هەڵهاتن و خۆیان ڕادەستی شەڕڤانانی هێزەکانی سوریای دیموکرات-قەسەدە کرد لە گوندی ئەبوو سوسوو.

 

ئەو هاوڵاتیانە ئاشکرایانکرد، کە چەتەکانی داعش بۆ پاراستنی خۆیان، ئەوان وەک قەڵغانی زیندوو بەکاردەهێنن.

 

ڕاشیانگەیاند، کە چەتەکان ناچاریان دەکەن ماڵەکانیان چۆڵ بکەن و دواتر مینڕێژی بکەن، هەندێک لە ماڵەکانیش وەک خاڵی چاودێریکردنی فڕۆکە بەکاردەهێنن.

 

شەڕڤانان پێشوازییان لەو هاوڵاتیانە کرد و ڕایانگەیاند، کە ئەو هاوڵاتییانەی خۆیان ڕادەست دەکەن، پاش ئەوەی بەباشی دەیانپشکنن، یان دەیانگوازنەوە بۆ ئەو شوێنانەی کە خانەوادەکانیانی لێیە، یاخود دەیانگوازنەوە بۆ کامپی ئاوارەکان لە حەسەکە.

 

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin