Smiley face
Smiley face
Smiley face

شارەزوور، کەسێک کوژرا و چوار کەسیش برینداربوون

2018-05-23 12:15:40



ڕۆژنیوز- شاره‌زوور

 

دوو بنەماڵە بۆ چارەسەرکردنی کێشەیەکی کۆن چوونە بەردەم دادگای شارەزوور، بەڵام بە چەقۆ هێرشیان کردە سەر یەکتر و لەئەنجامدا کەسێک کوژرا و چوار کەسیش برینداربوون.

 

نیوه‌ڕۆى ئه‌مڕۆ له‌به‌رده‌م بیناى دادگاى به‌رایى شاره‌زوور لە شارۆچکەی شارەزووری سەر بە پارێزگای سلێمانی، شەڕەچەقۆ لەنێوان دوو بنەماڵەی گوندی کانیمیل-ی سەر بەشارۆچکەکەدا دروستبوو.

 

لە ئەنجامی ئەو شەڕەدا کەسێک کوژرا و چواری دیکەش لە ئەندامانی هەردوو بنەماڵە برینداربوون.

 

به‌گوێره‌ى زانیارییه‌کانى ڕۆژنیوز، ساڵى ڕابردوو کێشه‌ی زەوی و زار له‌نێوان ئەو دوو بنەماڵەیەدا دروستبووە و له‌و کێشه‌یه‌دا شاهیدى ناڕاست دراوه‌ ئه‌مه‌ش یه‌کێک له‌ بنه‌ماڵه‌کانى نیگه‌ران کردووه و ئەمڕۆش بۆ هەمان مەبەست چوونەتەوە بەردەم دادگا، به‌ڵام له‌وێ جارێکى تر شه‌ڕ له‌ نێوان هه‌ردوولادا ڕوویدایەوە.

 

ڕۆژنیوز ئه‌وه‌شى زانیوه‌، که‌ بۆ ڕێگرییکردن له‌ نه‌که‌وتنه‌وه‌ى قوربانى زیاتر له‌و شه‌ڕه‌دا هێزه‌کانى پۆلیسى شاره‌زوور گه‌یشتوونه‌ته‌ شوێنى ڕووداوه‌که‌ و به‌ ته‌قه‌کردن بڵاوه‌یان به‌ شەڕکەرەکان کردووە و بارودۆخه‌که‌یان کۆنتڕۆڵکردووه‌.

 

که‌مال ئه‌حمه‌د، به‌ڕێوه‌به‌رى ڕاگه‌یاندنى نه‌خۆشخانه‌ى گشتى شه‌هید ڕه‌وف به‌گ‌ له‌ شارۆچکه‌ى شاره‌زوور به‌ ڕۆژنیوزى ڕاگه‌یاند: کوژراوەکە لە ڕێگادا بۆ نەخۆشخانەی فریاکەوتنی سلیمانی گیانی لەدەستداوە و چوار بریندارەکەش لە هەمان نەخۆشخانەن.

 

 

به‌پێی ئامارێکی ڕۆژنیوز، که‌ ڕۆژانه‌ له‌گه‌ڵ ڕووداوه‌کان لای خۆی کۆیکردووه‌ته‌وه‌، له‌ سه‌ره‌تای ئه‌مساڵه‌وه‌ تا ئێستا ١٤٦ که‌س له‌ باشوری  کوردستان کوژراون یان خۆیان کوشتووه‌.

 

ش.ف

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin