Smiley face
Smiley face
Smiley face

ئێران، مانگرتنی شۆفێری بارهەڵگرەکان پێی نایە سێیەم ڕۆژییەوە

2018-05-24 09:33:21



ڕۆژنیوز - ناوەندی هەواڵەکان

 

ئەمڕۆ سێیەمین ڕۆژی مانگرتنی سەرتاسەریی شۆفیێری بارهەڵگرەکانی ئێرانە، کە لەدژی گرانبوونی پارچەی بارهەڵگر و هەروەها کەمیی کرێی بارهەڵگرەکان دەستیپێکردووە.

 

ئەمڕۆ سێ ڕۆژە شۆفێری بارهەڵگرەکان لە پارێزگاکانی ئیسفەهان، قەزوین، ڕەشت، شیراز و بەندەرعەباسی ئێران دەستیان بە مانگرتن لە کارکردن کردووە.

 

ئەو مانگرتنە لە دووەم ڕۆژیدا بە پارێزگاکانی خۆراسان، سمنان، ئیلام، ورمێ، تەبرێز، ئەراک و هەمەدانیشدا بڵاوبووەوە و پێدەچێت ئەمڕۆ لە سێیەمین ڕۆژیدا بەرفراوانت ببێتەوە.

 

لە بانگەوازیی دەستپێکردنی ئەو مانگرتنە ڕاگەیەندرا، کە لەدژی گرانیی بەهای پارچەی بارهەڵگر و هەروەها کەمیی کرێی بارهەڵگرەکان، مانگرتن ڕادەگەیەنن و چیدی بار ناگوازنەوە، تا ئەو کاتەی بەدواداچوون بۆ داواکارییەکانیان بکرێت.

 

ڕاگەیەندراوە، کە بارهەڵگرەکانی گواستنەوەی سووتەمەنیش مانیان لە کارکردن گرتووە، ئەوەش وایکردووە کە لەو پارێزگایانە بەنزین ئەوەندەی پێویست نەگاتە دەستی هاوڵاتیان.

 

جێگای ئاماژەیە، بەگوێرەی ئامارەکانی وەزارەتی ڕێگاوبانی ئێران، ٣٦٠ هەزار بارهەڵگر لە ئێراندا هەن و ڕۆڵێکی گرنگ لە سیستمی گواستنەوە لە ئێراندا دەگێڕن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin