Smiley face
Smiley face
Smiley face

ژنانی کوردستان، کەتەلۆنیا و باسک لە ئسپانیا سیمینارێکی هاوبەشیان بەڕێوەبرد

2018-05-24 10:48:34



ڕۆژنیوز - بیلباو

 

بە بۆنەی ڕۆژی ٢٤ی ئایار وەک ڕۆژی جیهانی دژی شەڕ لە شاری بیلباوی هەرێمی باسک لە ئسپانیا، سمینارێک لەبارەی میلیتاریزمی دەوڵەتە باڵادەستەکان لە باسک و کەتەلۆنیای و کوردستان بەڕێوەچوو.

 

ئێوارەی دوێنێ لەهۆڵی کۆنفرانسی یەکێک لە شارەوانییەکانی بیلباو، بە پێشەنگایەتیی بزوتنەوەی ژنانی دژەمیلیتاریزم سیمینارێک بەڕێوەچوو.

 

لە کۆنفرامسەکەدا ئیرانچوو مێندا، لە باسکەوە، نۆرا میراییس لە کەتەلۆنیاوە و مریەم فەتحی لە کوردستانەوە لەبارەی میلیتاریزمەوە قسەیان کرد.

 

ئیرانچۆ مێنودا باسی سیستمی میلیتاریستیی دەوڵەتی و پێویستیی دەوڵەتەکان بۆ شەڕنانەوەی کرد و ئەوەی وەک ڕێگایەک بۆ فرۆشتنی چەکەکانیان ناوزەدکرد و وتی، کە دەبێت بزوتنەوەی فمینیستی دژی ئەو کردەوانە بوەستێتەوە.

 

 

نۆرا میرایس باسی مافی ئۆتۆنۆمیی کەتەلۆنیای کرد و فرۆشتنی چەک بە دەوڵەتی سعودیە لەلایەن دەوڵيتی ئیسپانیای خستە ڕوو.

 

هەروەها مریەم فەتحی، باسی کۆمەڵکوژکردنی گەلی کورد لەلایەن دەوڵەت-نەتەوەکانی باڵادەستی ڕۆژهەڵاتی ناوەڕاست وەک ئێران و تورکیای کرد و سیستمە دژبەژنانەکانی ئەو دەوڵەتانەی نرخاند، وتیشی: سیستمی دەسەلاتداریی پیاوسالاری بنەما و هۆکاری هەموو شەڕەکانە، لەبەرامبەردا کۆنفیدرالیزمی دیموکراتی کوردستان بەپێشەنگایەتی ژنان ڕێخۆشکەرە بۆ ڕزگاربوون لە چنگی سیستمی دەسەڵاتدار.

 

مریەم فەتحی هەروەها باسی تێکۆشانی ژنان لە کوردستانی کرد و جیاوازییەکانی میلیتاریزمی دەوڵەتی، میلیتاریزمی کاپیتالیستی و میلیتاریزمی ئیمپریالیستیی شیکردەوە.

 

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin