Smiley face
Smiley face
Smiley face

باندێکی فرۆشتنی منداڵ ئاشکرابوو

2018-05-24 14:19:48



ڕۆژنیوز – ناوەندی هەواڵەکان

 

لە شاری مەشهەدی ڕۆژهەڵاتی ئێران باندێکی ٢٦ کەسی دەستگیرکران، کە کاری فرۆشتنی منداڵیان ئەنجامداوە.

 

بەگوێڕەی هەواڵێکی ڕۆژنامە فەرمییەکانی ناوخۆی ئێران، باندێکی فرۆشتنی منداڵ لە مەشهەد ئاشکرابووە و تا ئێستا فرۆشتنی شەش منداڵیان بەسەردا ساغ بووەتەوە.

 

ماوەیەک پێش ئێستا ژن و پیاوێکی گەنج، منداڵێک بەباوەشەوەبووە چوونەتە بەڕێوبەرایەتیی ناسنامەی شاری یەزد و وتوویانە کە لە مەشهەد منداڵیان بووە و دەیانەوێت ناسنامەی بۆ وەربگرن، پاش ئەوەی ئاشکرابوو بەڵگەکانیان ساختەیە، پۆلیس دەستیکردووە بە بەدوواداچوون و لێکۆڵینەوە.

 

لەو بارەیەوە پۆلیس بەم دەرئەنجامە گەیشتووە، کە ئەو ژن و پیاوە منداڵەکەیان لە مەشهەد لە کەسێک بەناوی "خاتوو دکتۆر" بەبەهای ٣٠ ملیۆن تمەن کڕیوە.

 

پاش دانپێدانانی ئەو ژن و پیاوە پۆلیس لە بەردەوامیی بەدوواداچوونەکانیدا باندێکی ٢٦ کەسیی دەستگیرکرد و بۆی ئاشکرابووە، کە خوشکێکی دووانەی ئەو منداڵە ١٥ ڕۆژەیەش بە بەهای ٢٨ ملیۆن تمەن فرۆشراوە بە خانەوادەیەکی دیکە.

 

پۆلیس ئاشکرایکردووە، کە "خاتو دکتۆر" بەڕێوەبەری ئەو باندە ٢٦ کەسییە بووە،  تا ئێستا فرۆشتنی شەش منداڵیان بەسەردا ساغ بووەتەوە و پێدەچێت ئەو ژمارەیە زیاتریش بکات.

 

پۆلیس بەردەوامە لە لێکۆڵینەوەکانی لەو بارەیەوە.

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin