Smiley face
Smiley face
Smiley face

قەسەدە سەرچەتەیەکی داعشی بەدیل گرت

2018-05-24 17:07:40



ڕۆژنیوز – ناوەندی هەواڵەکان

 

شەڕڤانانی قەسەدە، سەرچەتەیەکی داعشیان بەدیل گرت، کە بەڕەگەز فەرەنسییە و دەستی لە چەندین کردەی تیرۆریستییا هەبووە لە ئەوروپا.

 

ڕۆژی ١٩ی ئەم مانگە، یەکینە هەواڵگرییەکانی هێزەکانی سوریای دیموکرات-قەسەدە، لە ئۆپەراسیۆنێکی تایبەتدا، گرووپێک چەتەی داعشیان لە ڕەقە بەدیل گرت.

 

ئادران لۆنەل کایال کە ناسراوە بە ئەبو ئوسامە، یەکێک بوو لەو چەتانەی کە شەڕڤانانی قەسەدە بەدیل گرتوویانە، ئەبو ئوسامە یەکێکە لە سەرچەتە مەترسیدارەکانی داعش، کە دەستی هەبووە لە هێرشە تیرۆریستییەکانی مانگی ١١ی ساڵی ٢٠١٥ی پاریس و هێرشی ١٤ی ١٠ی ٢٠١٦ی شاری  نس-ی فەرەنسا.

 

ئەبو ئوسامە لە ساڵی ١٩٨٣ لە فەرەنسا لەدایکبووە، لەساڵی ٢٠٠٣-دا بووەتە مسوڵمان و کەوتووەتە ژێر کاریگەریی فکری جیهادیی، لەساڵی ٢٠١٠-دا بەتۆمەتیی ئەندامبوون لە ڕێکخستنی تیرۆریستیی دەستگیرکراوە و پاشان ئازادکراوە، لە ٦ی ئاداری ٢٠١٥-دا لە دەرگای سنووریی تورکیا-سوریاوە لە گرێسپیی چووەتە سوریا و بەشداری چەتەکانی داعش بووە.

 

ئەبو ئوسامە کاتێک دەستگیرکراوە، هاوسەرەکەشی لەگەڵ بووە.

 

دوای ئەوەی چەتەکانی داعش گورزی قورسیان لەلایەن شەڕڤانانەوە لێدرا و ژمارەیەکی زۆر شار و بەتایبەت ڕەقەیان لەدەستچوو، ئەبو ئوسامە لە ناوچەی ڕەقە خۆی حەشارداوە و چاوەڕوان بووە کە بچێتە تورکیا و لەوێوە ڕوو لە ئەوروپا بکات، بەڵام یەکینە هەواڵگرییەکانی قەسەدە، دوای ماوەیەکی زۆر چاودێریکردن، توانیان بەدیل بیگرن.

 

ئادران لۆنەل کایال، ناسراوە بە ئەبو ئوسامە

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin