Smiley face
Smiley face
Smiley face

ئەمریکا گەمارۆ دەخاتە سەر چەند کۆمپانیایەکی تورکی

2018-05-25 09:21:01



ڕۆژنیوز - ناوەندی هەواڵەکان


وەزارەتی دارایی ئەمریکا ڕایگەیاندووە، کە گەمارۆ دەخاتە سەر چەند کۆمپانیایەکی تورکی، ئەوەش بەهۆی ئەوەی پەیوەندی بازرگانییان بە ئێرانەوە هەیە.


لە بەردەوامیی گەمارۆ ئابورییەکانی حکومەتی ئەمریکا بۆ سەر ئێران، گەمارۆ دەخاتە سەر چەند کۆمپانیایەکی تورکی-ش کە پەیوەندییان بە کۆمپانیا ئێرانییەکانەوە هەیە.


ئەو کۆمپانیا تورکییانە کە کۆمپانیای هاتووچۆ و گواستنەوەی ئاسمانین بریتین لە: کۆمپانیای پیشەسازیی ئاسمانیی بازرگانی ئۆتیک، کۆمپانیای ئاسمانی ئار ئەی و کۆمپانیای خزمەتە ئاسمانیی و لۆجستیکییەکانی گولینیهالییەگانە.


جێگای ئاماژەیە، کە پاش ئەوەی دۆناڵد ترامپ چوونەدەرەوەی ئەمریکا لە ڕێککەوتنی ئەتۆمی ئێرانی ڕاگەیاند، گەمارۆ ئابورییەکانی سەر ئێران گەڕێندرانەوە و وەزارەتی دارایی ئەمریکا نۆ کەسایەتی و کۆمپانیای ئێرانی خستە لیستی گەمارۆ ئابورییەکانییەوە.


ئەوەش دۆخی ئابوری ناوخۆی ئێرانی نالەبارتر لە جاران کردووە و بەهای تمەنی زیاتر لە هەمیشە دابەزاندووە.


ئەمریکا لەسەر ئەو باوەڕەیە، کە ئێران لەڕێگای داهاتی ئەو کۆمپانیایانەوە شەڕ لە ناوچەکەدا دەنێتەوە و ئاڵۆزیی درەست دەکات.


ک.ک
 

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin