Smiley face
Smiley face
Smiley face

تەلەفزیۆن و تابلۆنمایشەکانی فڕۆکەخانەیەکی ئێران هاککران

2018-05-25 14:14:31



ڕۆژنیوز - ناوەندی هەواڵەکان


تابلۆنمایش و تەلەفزیۆنەکانی فڕۆکەخانەی نێودەوڵەتیی شاری مەشهەدی ئێران هاککران و لەسەریان وێنەی خۆپیشاندانە ناڕەزاییەکانی گەلانی ئێران لە دژی حکومەت نمایشکرا.


شەوی ڕابردوو گروپێکی هاککەر بەناوی "تەپەندەگان" تەلەفزیۆن و تابلۆنمایشەکانی فڕۆکەخانەی مەشهەدیان هاککرد و داوایان لە ئامادەبووان کرد وێنەی تەلەفزیۆنەکان بگرن و بڵاویان بکەنەوە.

 


فڕۆکەخانەی نێودەوڵەتی مەشهەد، پاش فڕۆکەخانەی مێهرئابادی تاران، دووەمین فڕۆکەخانەی قەرەباڵغی سەرتاسەری ئێرانە.


تەلەفزیۆن و تابلۆنمایشەکان بۆ ماوەی چەند خولەکێک هاککران و لەسەریان وێنە و دروشمەکانی خۆپیشاندانە ناڕەزاییەکانی گەلانی ئێران لە دژی حکومەتی ئێران نمایش کرا.


گروپی "تەپەندەگان" کە بەرپرسیارێتی ئەو کارەی لە ئەستۆ گرتووە ڕایگەیاندووە: ئەوە یەکەم چالاکیی گروپەکەمانە، سوپای پاسداران لە پێنج مانگی پاش خۆپیشاندانەکاندا بەردەوامە لە بەفیڕۆدانی گیان و ماڵی خەڵکانی ئێران لە غەزە و لوبنان و سوریا.


ئەو گروپە ڕاشیگەیاندووە: چیدی ڕێگانادەی دەنگمان لە گەروماندا بخنکێنن و پشتگیریی ناڕەزاییەکانی خەڵک لە شاری کازرون دەکەین.


ک.ک
 

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin